ಅತ್ಯಾಚಾರ ಆರೋಪಿಗಳು, ರೌಡಿ ಶೀಟರ್​​ ಹಿನ್ನಲೆ ಹೊಂದಿರುವವರು ಸರ್ಕಾರಿ ಉದ್ಯೋಗಕ್ಕೆ ಅರ್ಹರಲ್ಲ: ಅಶೋಕ್ ಗೆಹ್ಲೋಟ್

ರಾಜಸ್ಥಾನ: ಮಹಿಳೆಯರ ಮೇಲೆ ದೌರ್ಜನ್ಯ ಮತ್ತು ಅತ್ಯಾಚಾರವೆಸಗುವ ಆರೋಪಿಗಳು ಮತ್ತು ರೌಡಿ ಶೀಟರ್​​ ಹಿನ್ನಲೆ ಹೊಂದಿರುವವರಿಗೆ ಸರ್ಕಾರಿ ಕೆಲಸ ಲಭಿಸುವುದಿಲ್ಲ. ಅಂತವರು ಕೆಲಸ ಪಡೆಯಲು ಅರ್ಹರಲ್ಲ ಎಂದು ರಾಜಸ್ಥಾನದ ಮುಖ್ಯಮಂತ್ರಿ ಅಶೋಕ್​ ಗೆಹ್ಲೋಟ್​ ಖಡಕ್​ ಹೇಳಿಕೆ ನೀಡಿದ್ದಾರೆ.

ಇದನ್ನೂ ಓದಿ:  ಏಕದಿನ ವಿಶ್ವಕಪ್​ಗೆ ತಂಡ ಪ್ರಕಟಿಸಿದ ಆಸ್ಟ್ರೇಲಿಯಾ; ಪ್ರಮುಖ ಆಟಗಾರನಿಗೆ ವಿಶ್ರಾಂತಿ

"ಕಿರುಕುಳ, ಲೈಂಗಿಕ ದುಷ್ಕೃತ್ಯದ ಪ್ರಯತ್ನಗಳು ಮತ್ತು ಲೈಂಗಿಕ ಅಪರಾಧಗಳ ಆರೋಪದಲ್ಲಿ ಭಾಗಿಯಾಗಿರುವ ವ್ಯಕ್ತಿಗಳು ಮತ್ತು ಇತಿಹಾಸದ ಹೊಂದಿರುವ ರೌಡಿ ಶೀಟರ್​​​ಗಳನ್ನು ಸರ್ಕಾರಿ ಉದ್ಯೋಗಗಳಿಂದ ನಿರ್ಬಂಧಿಸಲು ರಾಜ್ಯ ಸರ್ಕಾರ ನಿರ್ಧರಿಸಿದೆ" ಎಂದು ಅಶೋಕ್ ಗೆಹ್ಲೋಟ್ ಟ್ವೀಟ್​ ಮಾಡಿಯೂ ತಿಳಿಸಿದ್ದಾರೆ.

"ಈ ರೀತಿಯ ಪ್ರಕರಣಗಳಲ್ಲಿ ಭಾಗಿಯಾದವರ ವರದಿಗಳು ಆಯಾ ಪೊಲೀಸ್ ಠಾಣೆಗಳಲ್ಲಿ ದಾಖಲಾಗುತ್ತದೆ. ಆರೋಪಿಗಳ ಕ್ಯಾರೆಕ್ಟರ್​ ಸರ್ಟಿಫಿಕೆಟ್​ ಅನ್ನು ರಾಜ್ಯ ಸರ್ಕಾರ ಅಥವಾ ಪೊಲೀಸರು ನೀಡಲಿದ್ದಾರೆ. ಇಂತಹ ಸಮಾಜವಿರೋಧಿಗಳ ಸಾಮಾಜಿಕ ಬಹಿಷ್ಕಾರದ ಅಗತ್ಯವಿದೆ" ಎಂದು ರಾಜಸ್ಥಾನ ಸಿಎಂ ಟ್ವೀಟ್​ನಲ್ಲಿ ತಿಳಿಸಿದ್ದಾರೆ.