ಇದು ಸ್ನೇಹಿತರ ಲಾಭಕ್ಕಾಗಿ ಮಾಡಿರುವ ಬಜೆಟ್; ರಾಹುಲ್​ಗಾಂಧಿ

ನವದೆಹಲಿ: ಪ್ರಧಾನಿ ಮೋದಿ 3.0 ಸರ್ಕಾರದ ಮೊದಲ ಬಜೆಟ್ ಅನ್ನು ಕೇಂದ್ರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಮಂಗಳವಾರ(ಜುಲೈ 23) ಸಂಸತ್ತಿನಲ್ಲಿ ಮಂಡಿಸಿದರು. ಈ ಬಜೆಟ್​​ ಅನ್ನು ಲೋಕಸಭೆಯ ವಿರೋಧ ಪಕ್ಷದ ನಾಯಕ ಮತ್ತು ಕಾಂಗ್ರೆಸ್ ಸಂಸದ ರಾಹುಲ್ ಗಾಂಧಿ ಸೇವ್ ಚೇರ್ ಬಜೆಟ್ ಎಂದು ಟೀಕಿಸಿದ್ದಾರೆ.

ಇದನ್ನು ಓದಿ: ಷೇರು ಮಾರುಕಟ್ಟೆ ಮೇಲೆ ಬಜೆಟ್​​​ ಪ್ರಭಾವ; ಸೆನ್ಸೆಕ್ಸ್​​-ನಿಫ್ಟಿಯಲ್ಲಿ ಭಾರೀ ಕುಸಿತ

ಇದು ಕುರ್ಚಿ ಉಳಿಸುವ ಬಜೆಟ್. ಬಜೆಟ್ ಮೂಲಕ ಮಿತ್ರಪಕ್ಷಗಳಿಗೆ ಸುಳ್ಳು ಭರವಸೆಗಳನ್ನು ನೀಡಿ ಬೇರೆ ರಾಜ್ಯಗಳ ವೆಚ್ಚದಲ್ಲಿ ಅವರನ್ನು ಮೆಚ್ಚಿಸುವ ಪ್ರಯತ್ನ ನಡೆದಿದೆ. ಬಜೆಟ್ ಮೂಲಕ ಅವರ ಸ್ನೇಹಿತರನ್ನು ಸಂತೋಷಪಡಿಸಲಾಗಿದೆ ಎಂದು ರಾಹುಲ್​ಗಾಂಧಿ ಹೇಳಿದರು. ಈ ಬಜೆಟ್​ನಿಂದ ಎಎ (ಅದಾನಿ-ಅಂಬಾನಿ)ಗೆ ಲಾಭ ಆದರೆ ಸಾಮಾನ್ಯ ಭಾರತೀಯರಿಗೆ ಯಾವುದೇ ಪರಿಹಾರವಿಲ್ಲ ಎಂದು ಹೇಳಿದರು.

ಈ ಬಜೆಟ್​ನಲ್ಲಿನ ಮೂರನೇ ಅಂಶವನ್ನು ಕಾಂಗ್ರೆಸ್ ಪಕ್ಷದ ಲೋಕಸಭಾ ಚುನಾವಣಾ ಪ್ರಣಾಳಿಕೆಯಿಂದ ನಕಲು ಮಾಡಲಾಗಿದೆ ಮತ್ತು ಹಿಂದಿನ ಬಜೆಟ್​​ನ ಅಂಶವನ್ನು ಕಾಪಿ ಪೇಸ್ಟ್​​​ ಮಾಡಲಾಗಿದೆ ಎಂದು ಅವರು ತಿಳಿಸಿದರು.

ಇನ್ನು ಈ ವಿಚಾರವಾಗಿ ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಕಾಪಿಕ್ಯಾಟ್​ ಬಜೆಟ್​ ಎಂದು ಹೇಳಿದ್ದಾರೆ. ಕಾಂಗ್ರೆಸ್​ನ ನ್ಯಾಯದ ಅಜೆಂಡಾವನ್ನು ಸರಿಯಾಗಿ ನಕಲು ಮಾಡಲು ಅವರಿಗೆ ಸಾಧ್ಯವಾಗಲಿಲ್ಲ ಎಂದು ಟೀಕಿಸಿದ್ದಾರೆ. (ಏಜೆನ್ಸೀಸ್​​​)

https://www.vijayavani.net/west-bengal-governor-cv-ananda-bose-seeks-reply-from-cm-mamata-banerjee-on-bangladesh-vow