ವಿಶ್ವದೆಲ್ಲೆಡೆ ಇರುವ ಮಳಿಗೆಗಳನ್ನು ಮುಚ್ಚುವ ನಿರ್ಧಾರ ಘೋಷಿಸಿದ ಸ್ಪೋರ್ಟ್ಸ್​​ ಕ್ಷೇತ್ರದ ದೈತ್ಯ ಕಂಪನಿ ನೈಕ್

ನವದೆಹಲಿ: ಡೆಡ್ಲಿ ಕರೊನಾ ವೈರಸ್​ ಭೀತಿಗೆ ಭಯಗೊಂಡಿರುವ ಸ್ಪೋರ್ಟ್ಸ್ ಕ್ಷೇತ್ರದ ದೈತ್ಯ ಕಂಪನಿ ನೈಕ್​ ಜಾಗತಿಕವಾಗಿರುವ ತನ್ನ ಮಳಿಗೆಗಳನ್ನು ತಾತ್ಕಲಿಕವಾಗಿ ಸ್ಥಗಿತಗೊಳಿಸುವುದಾಗಿ ಘೋಷಿಸಿದೆ.

ಸೋಂಕು ಮತ್ತಷ್ಟು ಹರಡದಂತೆ ತಡೆಯಲು ಈ ನಿರ್ಧಾರ ತೆಗೆದುಕೊಂಡಿರುವುದಾಗಿ ನೈಕ್ ಕಂಪನಿ ಅಧಿಕೃತ ಹೇಳಿಕೆಯನ್ನು ಭಾನುವಾರ ಬಿಡುಗಡೆ ಮಾಡಿದೆ.

ನಮ್ಮ ತಂಡ ಹಾಗೂ ಗ್ರಾಹಕರ ಹಿತರಕ್ಷಣವೇ ನಮ್ಮ ಮೊದಲ ಆದ್ಯತೆಯಾಗಿದೆ. ಹೀಗಾಗಿ ಯುನೈಟೆಡ್​ ನೇಷನ್​ ಸೇರಿದಂತೆ ವಿಶ್ವದೆಲ್ಲೆಡೆ ಇರುವ ನಮ್ಮ ಮಳಿಗೆಗಳನ್ನು ತಾತ್ಕಾಲಿಕವಾಗಿ ಮುಚ್ಚಲು ನಿರ್ಧರಿಸಿದ್ದೇವೆ. ಇದಲ್ಲದೆ, ಮನೆಯಿಂದಲೇ ಕೆಲಸ ಮಾಡುವ, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವ ಮತ್ತು ಹೆಚ್ಚುವರಿ ಸುರಕ್ಷತಾ ಕ್ರಮಗಳನ್ನು ನಮ್ಮ ತಂಡದ ರಕ್ಷಣೆಯ ದೃಷ್ಟಿಯಿಂದ ತೆಗೆದುಕೊಳ್ಳಲಾಗಿದೆ ಎದು ಕಂಪನಿ ಹೇಳಿದೆ.

ವರದಿಯ ಪ್ರಕಾರ ಮಾರ್ಚ್​ 27ರವರೆಗೆ ನೈಕ್​ ಕಂಪನಿ ಮುಚ್ಚಲಿದೆ. ಇದಕ್ಕೂ ಮುನ್ನ ಟೆಕ್​ ದೈತ್ಯ ಆ್ಯಪಲ್​ ಕಂಪನಿ ಗ್ರೇಟರ್​ ಚೀನಾ ಹೊರತುಪಡಿಸಿ ವಿಶ್ವಾದ್ಯಂತ ಇರುವ ಸ್ಟೋರ್​ಗಳನ್ನು ಮುಚ್ಚುವುದಾಗಿ ತಿಳಿಸಿದೆ. (ಏಜೆನ್ಸೀಸ್​)

https://www.vijayavani.net/kalaburagi-old-man-coronavirus-death-travel-history-dighvijay-news/

https://www.vijayavani.net/italy-hits-one-day-record-with-368-new-coronavirus-deaths-official-data/