ಸೋಂಕು ದೃಢಪಟ್ಟು, ಗುಣಹೊಂದಿದ ವ್ಯಕ್ತಿಯಿಂದ 400 ಮಿಲಿ ಲೀಟರ್ ಪ್ಲಾಸ್ಮಾ ಪಡೆಯಲಾಗುತ್ತದೆ. ಅದರಲ್ಲಿ ತೀವ್ರ ತರಹದ ಸೋಂಕುಳ್ಳ ವ್ಯಕ್ತಿಗೆ 200 ಎಂಎಲ್ ಪ್ಲಾಸ್ಮಾ ನೀಡಲಾಗುತ್ತಿದೆ. ಈಗೀಗ ಸೋಂಕಿತರ ಸಂಖ್ಯೆಯೂ ಕಡಿಮೆ ಆಗುತ್ತಿದೆ. ತೀವ್ರ ತರಹದ ಉಸಿರಾಟ ಅಥವಾ ಇತರೆ ಕಾಯಿಲೆ ಇದ್ದವರು ದಾಖಲಾದರೆ ಮಾತ್ರ ಥೆರಪಿಗೆ ಒಪ್ಪಿಗೆ ಪಡೆದು ನಡೆಸಲಾಗುತ್ತಿದೆ. ಇತ್ತೀಚೆಗೆ ಪ್ಲಾಸ್ಮಾ ಚಿಕಿತ್ಸೆಗೆ ಒಳಗಾಗಲು ಒಲವು ತೋರಿಸುವವರ ಸಂಖ್ಯೆಯೂ ಕಡಿಮೆಯಾಗುತ್ತಿದೆ. ಆದಾಗ್ಯೂ ಕಿಮ್ಸ್ನ ಮೆಡಿಸಿನ್ ವಿಭಾಗದ ಡಾ. ರಾಮ ಕೌಲಗುಡ್ಡ, ಪ್ಯಾಥಾಲಜಿ ವಿಭಾಗದ ಡಾ. ಪುರುಷೋತ್ತಮ ರೆಡ್ಡಿ, ಡಾ. ಕವಿತಾ ಏವೂರು ಮತ್ತಿತರರನ್ನು ಒಳಗೊಂಡ ತಂಡ 100 ಜನರಿಗೆ ಪ್ಲಾಸ್ಮಾ ಥೆರಪಿ ನಡೆಸಿ ಸೋಂಕಿನಿಂದ ಗುಣವಾಗಿಸಲು ಪಣ ತೊಟ್ಟಿದೆ. ಪ್ಲಾಸ್ಮಾ ಚಿಕಿತ್ಸೆಯಿಂದಲೇ ರೋಗಿಗಳು ಗುಣ ಹೊಂದುತ್ತಾರೆ ಎನ್ನುವುದನ್ನು ಐಸಿಎಂಆರ್ ಸ್ಪಷ್ಟಪಡಿಸಿಲ್ಲ. ಹೀಗಾಗಿ, ಪ್ಲಾಸ್ಮಾ ಚಿಕಿತ್ಸೆಯೊಂದಿಗೆ ಇತರ ಎಲ್ಲ ಉಪಚಾರಗಳನ್ನೂ ಮಾಡಲಾಗುತ್ತಿ್ತೆ ಎನ್ನುತ್ತಾರೆ ವೈದ್ಯರು.
