ಸಿಂಗಲ್ ಫೇಸ್ ಸ್ಮಾರ್ಟ್ ಮೀಟರ್ ನಿಗದಿತ ದರ 2,461 ರೂ. ಹಾಗೂ ತ್ರೀಫೇಸ್ ಸ್ಮಾರ್ಟ್ ಮೀಟರ್ ನಿಗದಿತ ದರ 3,292 ರೂ. ಇದೆ. ಆದರೆ, ಟೆಂಡರ್ನಲ್ಲಿ ಕ್ರಮವಾಗಿ 4,235 ರೂ. ಹಾಗೂ 7,525 ರೂ. ದರ ನಮೂದಿಸಲಾಗಿದೆ. ಈ ರೀತಿ ಸಿಂಗಲ್ ಫೇಸ್ ಮೀಟರ್ಗೆ ಜನಸಾಮಾನ್ಯರು 1,774 ರೂ. ಮತ್ತು ತ್ರೀಫೇಸ್ ಮೀಟರ್ಗೆ 4,233 ರೂ. ಹೆಚ್ಚುವರಿ ಮೊತ್ತ ಪಾವತಿಸಬೇಕಾಗಿದೆ. ಟೆಂಡರ್ ಪ್ರೀಮಿಯಂ ದರ ಶೇ.5ಕ್ಕಿಂತ ಮೀರಬಾರದು ಎಂದು 2022ರಲ್ಲಿ ಸಿಎಂ ಕಚೇರಿ ಟಿಪ್ಪಣಿ ಹೊರಡಿಸಿದೆ. ಆದರೆ, ಈಗಿನ ಟೆಂಡರ್ನಲ್ಲಿ ದರ ಶೇ. 72ರಿಂದ ಶೇ.170 ಹೆಚ್ಚಾಗಿದೆ. ಸಾರ್ವಜನಿಕರ ತೆರಿಗೆ ಹಣ ದುಂದು ವೆಚ್ಚವಾಗುತ್ತಿದ್ದು, ಜನಸಾಮಾನ್ಯರಿಗೆ ಹೊರೆಯಾಗುತ್ತಿದೆ. ಆದ್ದರಿಂದ ಟೆಂಡರ್ ರದ್ದುಪಡಿಸಬೇಕು ಎಂದು ಮನವಿ ಮಾಡಲಾಗಿದೆ.
