ಸೆ.29ರ ಸಂಜೆ ಮಾಗಡಿ ರಸ್ತೆಯ ತಾವರೆಕೆರೆ ಸಮೀಪದ ಮಡಿಒಡೆಯರಪಾಳ್ಯ ಮತ್ತು ಕೂಡುಸಿದ್ದಪಾಳ್ಯದ ನಡುವಿನ ರಸ್ತೆಯಲ್ಲಿ ಸುಮಲತಾ ಎಂಬಾಕೆ ಹಸು ಮೇಯಿಸುತ್ತಿದ್ದಾಗ ಬೈಕ್ನಲ್ಲಿ ಅಲ್ಲಿಗೆ ಬಂದ ರಾಜೇಶ್, ರಾಮೋಹಳ್ಳಿಗೆ ಹೋಗುವ ದಾರಿ ಯಾವುದು ಎಂದು ಕೇಳಿದ್ದಾನೆ. ಆಕೆ ರಸ್ತೆ ಮಾರ್ಗ ತೋರಿಸುತ್ತಿದ್ದಂತೆ ಆಕೆಯ ಕುತ್ತಿಗೆಯಲ್ಲಿದ್ದ ಚಿನ್ನದ ಸರವನ್ನು ಕಿತ್ತುಕೊಂಡು ಪರಾರಿಯಾಗಿದ್ದಾನೆ. ಅದೇ ದಾರಿಯಲ್ಲಿ ಹಿಂದೆಯೇ ಬಂದ ಬೈಕ್ ಸವಾರನಿಗೆ ಸುಮಲತಾ ವಿಷಯ ತಿಳಿಸಿದ್ದು, ಆತ ವೇಗವಾಗಿ ಹಿಂಬಾಲಿಸಿ ಚಂದ್ರಪ್ಪ ಸರ್ಕಲ್ನಲ್ಲಿ ರಾಜೇಶ್ನನ್ನು ತಡೆದು ನಿಲ್ಲಿಸಿದ್ದಾನೆ. ಅಷ್ಟೊತ್ತಿಗೆ ರಾಜೇಶ್, ಮಾರ್ಗಮಧ್ಯೆ ಬೈಕ್ನಿಂದ ಬಿದ್ದು ಬಾಯಿಗೆ ಗಂಭೀರ ಗಾಯಮಾಡಿಕೊಂಡಿದ್ದ. ಮಹಿಳೆ ಸ್ಥಳಕ್ಕೆ ಹೋಗಿ ಸರಗಳ್ಳನನ್ನು ಗುರುತಿಸಿ ಪೊಲೀಸರನ್ನು ಕರೆಸಿ ಒಪ್ಪಿಸಲಾಗಿದೆ. ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ.
