ಕಾಡಾನೆಗಳಿಗೂ ಹೆಸರು: ಸಾಮಾನ್ಯವಾಗಿ ಸಾಕಾನೆಗಳನ್ನು ಹೆಸರು ಹಿಡಿದು ಗುರುತಿಸುವುದು ವಾಡಿಕೆ. ಆದರೆ ಸ್ಥಳೀಯ ಅರಣ್ಯ ಇಲಾಖೆಯ ನೌಕರರು ಕಾರ್ಯಚರಣೆಗೆ ಅನುಕೂಲವಾಗುವ ದೃಷ್ಟಿಯಿಂದ ಕಾಡಾನೆಗಳನ್ನು ಹೆಸರು ಮೂಲಕ ಗುರುತಿಸುತ್ತಿದ್ದು. ಅವುಗಳ ವರ್ತನೆ,ನಿಲುವು ಆದರಸಿ ತಂಡದ ಮುಖ್ಯ ಆನೆಗಳಿಗೆ ಹೆಸರು ಇಡಲಾಗುತ್ತಿದೆ. ಮಾನವರನ್ನು ಕಂಡರೆ ಕರಡಿಯಂತೆ ಕುಣಿದು ಬರುವ ಕಾರಣಕ್ಕೆ ಕರಡಿ ., ನೋಡಲು ಬೆಟ್ಟದಂತೆ ಕಾಣುವ ಸಲಗಕ್ಕೆ ಮೌಂಟೇನ್, ರಾಜ ಗಾಭೀರ್ಯ ದಲ್ಲಿರುವ ಸಲಗಕ್ಕೆ ಭೀಮ,ಗ್ರಾಮಗಳಿಗೆ ಲಗ್ಗೆ ಇಟ್ಟರು ಮನುಷ್ಯ ರ ಮೇಲೆ ಧಾಳಿ ನಡೆಸದ ಆನೆಗೆ ತಣ್ಣೀರು. ಕಾರ್ಯಚರಣೆಯಲ್ಲಿ ತಪ್ಪಿಸಿಕೊಂಡಿದ್ದ ಆನೆಗೆ ಮತ್ತೂರು ಹೀಗೆ ಹಲವು ಆನೆಗಳಿಗೆ ಹೆಸರಿಡಲಾಗಿದೆ. ಸದ್ಯ ತಾಲೂಕಿನಲ್ಲಿರುವ ಸುಮಾರು 80 ಆನೆಗಳಲ್ಲಿ ಬೀಮ ಅತ್ಯಂತ ಬಲಶಾಲಿ ಎಂಬುದು ಅರಣ್ಯ ಇಲಾಖೆ ನೌಕರರ ಹೇಳಿಕೆ.
