ಮುಂಬೈ: ಭಾರತೀಯ ಷೇರುಪೇಟೆ ಗುರುವಾರ ಆಘಾತ ಅನುಭವಿಸಿದ್ದು, ಸೆನ್ಸೆಕ್ಸ್ 1150 ಅಂಕ ಇಳಿಕೆ ಕಂಡು 53 ಸಾವಿರಕ್ಕಿಂತ ಕೆಳಮಟ್ಟಕ್ಕೆ ಕುಸಿದಿದೆ. ಅಮೆರಿಕದ ಹಣದುಬ್ಬರ ಪ್ರಮಾಣ ಏರಿಕೆ ಸಹಿತ ಜಾಗತಿಕ ಮಾರುಕಟ್ಟೆ ಪ್ರಭಾವದ ಕಾರಣ ಸತತ 5ನೇ ದಿನವೂ ಭಾರತದ ಷೇರುಪೇಟೆ ಇಳಿಕೆ ದಾಖಲಿಸಿದೆ. ಸೆನ್ಸೆಕ್ಸ್ 1158 ಅಂಕ ಇಳಿಕೆ ಕಂಡು, 52,930ರಲ್ಲಿ ಹಾಗೂ ನಿಫ್ಟಿ 359 ಅಂಕ ಕುಸಿತ ಕಾಣುವ ಮೂಲಕ 15,808ರಲ್ಲಿ ದಿನದ ವಹಿವಾಟು ಮುಗಿಸಿದೆ. ಸೆನ್ಸೆಕ್ಸ್ನಲ್ಲಿ ಇಂಡಸ್ ಇಂಡ್ ಬ್ಯಾಂಕ್ ಶೇ. 5.82 ಇಳಿಕೆ ದಾಖಲಿಸಿದೆ. ಟಾಟಾ ಸ್ಟೀಲ್, ಬಜಾಜ್ ಫೈನಾನ್ಸ್, ಆಕ್ಸಿಸ್ ಬ್ಯಾಂಕ್, ಎಚ್ಡಿಎಫ್ಸಿ ಬ್ಯಾಂಕ್, ಟೈಟನ್, ಎಲ್ಆಂಡ್ಟಿ, ರಿಲಯನ್ಸ್ ಸಹಿತ ಪ್ರಮುಖ ದಿಗ್ಗಜ ಷೇರುಗಳ ಬೆಲೆಯಲ್ಲಿ ಇಳಿಕೆ ಕಂಡುಬಂದಿದೆ.
