ದೆಹಲಿಯ ಕುತುಬ್ ಮಿನಾರ್ಗಿಂತಲೂ ಹೆಚ್ಚು ಎತ್ತರದ ಈ ಕಟ್ಟಡವನ್ನು ಸ್ಫೋಟಕ ಬಳಸಿ ನೆಲಸಮ ಮಾಡಲಾಯಿತು. ಅಕ್ರಮವಾಗಿ ನಿರ್ಮಾಣ ಮಾಡಿದ ಕಾರಣದಿಂದಾಗಿ ಬೃಹತ್ ಬಹುಮಹಡಿ ಕಟ್ಟಡವೊಂದನ್ನು ಕೆಡವಿ ಹಾಕಿರುವುದು ಭಾರತದ ಇತಿಹಾಸದಲ್ಲೇ ಇದೇ ಮೊದಲು. ಅವಳಿ ಗೋಪುರ ಎಂದೇ ಗುರುತಿಸಲಾಗಿದ್ದ ಈ ಕಟ್ಟಡ ನೆಲಸಮವಾಗಿದ್ದು ಕೇವಲ ಒಂಬತ್ತು ಸೆಕೆಂಡುಗಳಲ್ಲಿ. ಆದರೆ, ವಾಸ್ತವವಾಗಿ ಈ ಅಕ್ರಮ ಕಟ್ಟಡ ಉರುಳಲು ತಗುಲಿದ ಸಮಯ 11 ವರ್ಷ. ಇಷ್ಟೊಂದು ಸುದೀರ್ ಅವಧಿಯ ಕಾನೂನು ಹೋರಾಟದ ನಂತರ, ನೋಯ್ಡಾ ಮೂಲದ ನಿರ್ಮಾಣ ಕಂಪನಿ ಸೂಪರ್ಟೆಕ್ ಲಿಮಿಟೆಡ್ ವಿರುದ್ಧದ ಕಾನೂನು ಸಮರದಲ್ಲಿ ಎಮರಾಲ್ಡ್ ಕೋರ್ಟ್ ಕ್ಯಾಂಪಸ್ನ ನಿವಾಸಿಗಳಿಗೆ ಕೊನೆಗೂ ನ್ಯಾಯ ದೊರೆತಿದೆ. ಈ ಮೂಲಕ ನ್ಯಾಯಾಂಗದಲ್ಲಿ ಜನರ ವಿಶ್ವಾಸವರ್ಧನೆಗೂ ಈ ಪ್ರಕರಣ ಸಕಾರಾತ್ಮಕ ಕೊಡುಗೆ ನೀಡುವಂತಾಗಿದೆ.
