ಸಂಸದ ಮುನಿಸ್ವಾಮಿ ೨೦ ದಿನಗಳ ನಂತರ ಜ್ಞಾನೋದಯವಾಗಿದೆಯೇ ? ೨೦ ದಿನಗಳಿಂದಲೂ ಶ್ರೀನಿವಾಸಪುರದಲ್ಲಿ ಅರಣ್ಯ ಒತ್ತುವರಿ ಭೂಮಿ ತೆರವು ಕಾರ್ಯಾಚರಣೆ ನಡೆಯುತ್ತಿದೆ. ಇದರಿಂದ ರೈತರು ನೋಂದಿದ್ದಾರೆ. ಸರ್ಕಾರ ಮಟ್ಟದಲ್ಲಿ ತೆರವು ಕಾರ್ಯಾಚರಣೆ ನಿಲ್ಲಿಸದೆ ರೌಡಿಸಂ ರೀತಿಯಲ್ಲಿ ಅರಣ್ಯ ಇಲಾಖೆಯ ಮೇಲೆ ಅಮಾಯಕ ರೈತರಿಂದ ದಬ್ಬಾಳಿಕೆ ಮಾಡಿಸಿ ಜೆಸಿಬಿಗಳನ್ನು ಜಖಂಗೊಳಿಸಿ ಶಾಂತಿಯುತವಾಗಿದ್ದ ಶ್ರೀನಿವಾಸಪುರಕ್ಕೆ ಬೆಂಕಿ ಹಚ್ಚುವ ಕೆಲಸ ಸಂಸದ ಮುನಿಸ್ವಾಮಿ ಮಾಡಿದ್ದಾರೆ. ಇದರಿಂದ ಅಮಾಯಕ ರೈತರು ಕೇಸು ಹಾಕಿಸಿಕೊಳ್ಳುವಂತೆ ಆಗಿದೆ. ಒಬ್ಬ ರೈತ ೧೦-೨೦ ಎಕೆರೆ ಮಾಡಿಕೊಂಡವರೆಲ್ಲ ರೈತರಾಗುತ್ತಾರೆಯೇ ಅರಣ್ಯ ಇಲಾಖೆಯವರು ಕಾನೂನು ಪ್ರಕಾರವೇ ತೆರವು ಕಾರ್ಯಾಚರಣೆ ಮಾಡುತ್ತಿದ್ದಾರೆ. ದಾಖಲೆಗಳನ್ನು ಪರಿಶೀಲಿಸುವ ಕೆಲಸ ಸಂಸದರು ಮಾಡಲಿ, ಇದು ರಿಜರ್ವ್ ಫಾರಿಸ್ಟರ್ ಇದು ಕೇಂದ್ರಕ್ಕೆ ಸೇರಿದ್ದು, ಕೇಂದ್ರ ಸರ್ಕಾರದಿಂದ ತೆರವು ಕಾರ್ಯಾಚರಣೆಯನ್ನು ಸಂಸದರು ಏಕೆ ನಿಲ್ಲಿಸಲಿಲ್ಲ.
