ಪಟ್ಟಣ ಪಂಚಾಯಿತಿ ಅನುದಾನದಲ್ಲಿ ಟ್ಯಾಂಕ್ ನಿರ್ಮಾಣ ಕಾಮಗಾರಿ ನಡೆದಿದೆ. ರೆಡಿಮೇಡ್ ಟ್ಯಾಂಕ್ ಅಳವಡಿಸಲು ಕಳೆದ ತಿಂಗಳು ರಸ್ತೆಯಲ್ಲೆ ತಳಪಾಯ ಕಾಮಗಾರಿ ನಡೆದಿದೆ. ತಳಪಾಯ ನಿರ್ಮಿಸಿದ ಸ್ಥಳದಲ್ಲಿ ಹಳೆಯ ಕೊಳವೆ ಬಾವಿಯಿದ್ದು ಅದರ ಪಕ್ಕದಲ್ಲಿ ಹೈಮಾಸ್ಟ್ ದೀಪದ ಕಂಬವಿದೆ. ಕೊಳವೆ ಬಾವಿಗೆ ಪಂಪ್ಸೆಟ್ ಅಳವಡಿಸಿ ಹೊಸ ಟ್ಯಾಂಕಿಗೆ ನೀರು ತುಂಬುವ ಯೋಜನೆಯನ್ನು ಪಪಂ ಆಡಳಿತ ರೂಪಿಸಿದೆ. ಆದರೆ ಕೊಳವೆ ಬಾವಿ ತೀರಾ ಹಳೆಯರಾಗಿರುವುದರಿಂದ ಅದರಲ್ಲಿರುವ ನೀರು ಕುಡಿಯಲು ಯೋಗ್ಯ ಸ್ಥಿತಿಯಲ್ಲಿಲ್ಲ. ಬಳಕೆಗೆ ಸಾಧ್ಯವಿಲ್ಲದ ಕೊಳವೆ ಬಾವಿಯನ್ನು ನಂಬಿ ಪಪಂ ಆಡಳಿತದಿಂದ ರಸ್ತೆಯಲ್ಲೆ ಟ್ಯಾಂಕ್ ನಿರ್ಮಿಸಲು ಹೊರಟಿರುವ ಕ್ರಮಕ್ಕೆ ಸ್ಥಳೀಯರಿಂದ ವಿರೋಧ ವ್ಯಕ್ತವಾಗಿದೆ.
