ಪುರಿಯ ಜಗನ್ನಾಥ ಮೂರ್ತಿಯು ಸೂರ್ಯಮಂಡಲದ ಸಂಕ್ಷಿಪ್ತರೂಪವೆಂದು ಡಾ. ಬ್ಲಾಕ್ ಎನ್ನುವವರು ಅಭಿಪ್ರಾಯಪಟ್ಟಿದ್ದಾರೆ. ಇಲ್ಲಿಯ ರಥೋತ್ಸವವು ವಿಶೇಷ ಮಹತ್ವವುಳ್ಳದ್ದು. ಮಧುರೆಯಲ್ಲಿ ನಡೆಯುವ ಸೂರ್ಯನ ರಥೋತ್ಸವದಲ್ಲಿ ಭಾಗಿಗಳಾದವರು, ಮಾಘಮಾಸ ಸಪ್ತಮೀ ತಿಥಿಯಲ್ಲಿ ಸಾಂಬಪುರದಲ್ಲಿ ನಡೆಯುವ ರಥಯಾತ್ರೆಯನ್ನು ಸಂದರ್ಶಿಸಿದರೆ ವಿಶೇಷ ಪುಣ್ಯ ಲಭಿಸುವುದೆಂದು ವರಾಹಪುರಾಣ ತಿಳಿಸುತ್ತದೆ. ಮಾಘ ಶುಕ್ಲ ಸಪ್ತಮಿಯಂದು ಯಾರು ಸ್ನಾನಾದಿಗಳನ್ನು ಮಾಡಿ ಶುಚಿರ್ಭತರಾಗಿ ಆದಿತ್ಯನಿಗೆ ಅಘ್ರ್ರ್ಯವನ್ನು ಕೊಡುತ್ತಾರೋ ಅವರು ಅಪೇಕ್ಷಿಸುವ ಸತ್ಪಲವನ್ನು ಪಡೆಯುತ್ತಾರೆ. ಚೈತ್ರಮಾಸ, ಮಕರ ಸಂಕ್ರಾಂತಿ, ಇತರ ಮಾಸ ಸಂಕ್ರಾಂತಿಗಳು, ವಿಷುವ ದಿನಗಳು, ಭಾನುವಾರ - ಈ ದಿವಸಗಳಂದು ಕೋಣಾರ್ಕದಲ್ಲಿರುವ ‘ಅರ್ಕ’ನ ಆರಾಧನೆಯು ಬಹು ಪುಣ್ಯಪ್ರದವಾದದ್ದು.
