ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದಲ್ಲಿ ರಸಗೊಬ್ಬರ ಮಾರಾಟ, ನಂದಿನಿ ಮಳಿಗೆ, ಸೌರ ವಿದ್ಯುತ್ ಮಾರಾಟ, ಅಂತ್ಯಸಂಸ್ಕಾರದ ವಾಹನ , ಕುಡಿಯುವ ಶುದ್ಧ ನೀರಿನ ಪೂರೈಕೆ, ಪಶು ಆಹಾರಗಳ ಮಾರಾಟ, ರಿಯಾಯಿತಿ ದರದಲ್ಲಿ ದಿನಬಳಕೆಯ ವಸ್ತುಗಳ ಮಾರಾಟ ಮಾಡುವ ಕೇಂದ್ರ, ಜನೌಷಧ ಕೇಂದ್ರ ಹೀಗೆ ಹಂತ ಹಂತವಾಗಿ ವಿವಿಧ ಮಳಿಗೆಗಳನ್ನು ಆರಂಭಿಸಿ ಇದೀಗ ಪ್ರತಿಯೊಂದರಿಂದಲೂ ಉತ್ತಮ ಆದಾಯ ದೊರೆಯುತ್ತಿದೆ ಎಂದು ವಿವರಿಸಿದರು.
ತಾಲೂಕಿನಲ್ಲಿ ಯಾಚೇನಹಳ್ಳಿ ಗ್ರಾಮದಲ್ಲಿ ಹೆಚ್ಚಿನ ಜಾನುವಾರುಗಳನ್ನು ಸಾಕಲಾಗುತ್ತಿದೆ. ಇಲ್ಲಿ ನಿತ್ಯ ಹಾಲು ಹಾಕುವವರ ಸಂಖ್ಯೆ ಅಧಿಕವಾಗಿದೆ. ಹಾಲು ಸರಬರಾಜು ಮಾಡುವವರಿಗೆ ಸರ್ಕಾರದಿಂದ ದೊರಯುವ ಎಲ್ಲ ಸೌಲಭ್ಯಗಳನ್ನು ಒದಗಿಸಲಾಗುತ್ತಿದ್ದು, 10 ದಿನಗಳಲ್ಲಿಯೇ ಹಾಲಿನ ಹಣವನ್ನು ಅವರ ಖಾತೆಗಳಿಗೆ ಜಮೆ ಮಾಡಲಾಗುತ್ತಿದೆ ಎಂದರು.
