ಮೌಂಟ್ ಎವರೆಸ್ಟ್ ಶಿಖರವನ್ನು ಏರಿದ ಜೆಎಸ್ಎಸ್ ದಂತ ವೈದ್ಯಕೀಯ ಕಾಲೇಜಿನ ಓರಲ್ ಪೆಥಾಲಜಿ ಮತ್ತು ಮೈಕ್ರೋಬಯಾಲಜಿ ವಿಭಾಗದ ಪ್ರಾಧ್ಯಾಪಕಿ ಡಾ.ಉಷಾ ಹೆಗ್ಡೆ ಅವರನ್ನು ಇಂಡಿಯನ್ ಡೆಂಟಲ್ ಅಸೋಸಿಯೇಷನ್ (ಐಡಿಎ) ಮೈಸೂರು ಶಾಖೆ ವತಿಯಿಂದ ಮಂಗಳವಾರ ನಗರದ ಖಾಸಗಿ ಹೋಟೆಲ್ನಲ್ಲಿ ಸನ್ಮಾನಿಸಲಾಯಿತು.
ಡಾ.ಉಷಾ ಹೆಗ್ಡೆ ಅವರು ತಮ್ಮ ಜೀವನ ಅನುಭವದ ಸವಾಲಿನ ಪ್ರಯಾಣವನ್ನು ವಿವರಿಸಿದರು. ಅವರು ತಮ್ಮ ಕುಟುಂಬ, ಸ್ನೇಹಿತರು ಮತ್ತು ಐಡಿಎ ಮೈಸೂರು ಶಾಖೆಗೆ ಕೃತಜ್ಞತೆ ಸಲ್ಲಿಸಿದರು. ಮೈಕ್ರೋಸ್ಕೋಪಿಕ್ ಎಂಡೋಡಾಂಟಿಸ್ಟ್ ಕುರಿತು ತಜ್ಞ ವೈದ್ಯ ಡಾ.ವಿನಯ್ ಶಿವಗಂಗೆ ಅವರು ಉಪನ್ಯಾಸ ನೀಡಿದರು.
ಕಾರ್ಯಕ್ರಮದಲ್ಲಿ ಐಡಿಎ ಮೈಸೂರು ಶಾಖೆಯ ಅಧ್ಯಕ್ಷ ಕೆ.ಪಿ.ಡಾ.ಮಹೇಶ್, ಕಾರ್ಯದರ್ಶಿ ಡಾ. ಸಂದೀಪ್, ಖಜಾಂಚಿ ಡಾ.ಎನ್.ರಘುನಾಥ್, ಸಿಡಿಇ ಸಂಚಾಲಕಿ ಡಾ.ಬೃಂದಾ, ಡಾ ಮೀನಾಕ್ಷಿ, ಡಾ.ರವಿಕಿರಣ್ ಸೇರಿದಂತೆ 60 ದಂತ ವೈದ್ಯರು ಮತ್ತು ಐಡಿಎ ಮೈಸೂರು ಶಾಖೆಯ ಆಜೀವ ಸದಸ್ಯರು ಹಾಜರಿದ್ದರು.
