ಚಿಕ್ಕಬಳ್ಳಾಪುರ: ವಿಧವೆಯನ್ನು ಮದುವೆಯಾಗಿ ವಂಚಿಸಿದ ಪ್ರಕರಣ ಮಹಿಳಾ ಪೊಲೀಸ್ ಠಾಣೆ ಮೆಟ್ಟಿಲೇರಿದೆ. ಶಿಡ್ಲಘಟ್ಟ ತಾಲೂಕಿನ ಅಂಬಿಗಾನಹಳ್ಳಿ ಸುನೀಲ್ (34) ಆರೋಪಿ. ವಿಧವೆಯನ್ನು ಮದುವೆಯಾಗಿದ್ದಾನೆ. ನಂತರ ವಿಷಯ ಮುಚ್ಚಿಟ್ಟು, ಸಂಬಂಧಿ ಯುವತಿಯನ್ನೂ ಮದುವೆಯಾಗಿದ್ದಾನೆ. ಈಗ ಸಂತ್ರಸ್ತೆ ದಾಖಲೆಗಳೊಂದಿಗೆ ಮಹಿಳಾ ಠಾಣೆಯಲ್ಲಿ ದೂರು ದಾಖಲಿಸಿದ್ದು, ಆರೋಪಿ ನಾಪತ್ತೆಯಾಗಿದ್ದಾನೆ. ಪ್ರಕರಣದ ಹಿನ್ನೆಲೆ: ಗಂಡನನ್ನು ಕಳೆದುಕೊಂಡಿದ್ದ ಮಹಿಳೆ ಬಾಡಿಗೆ ಮನೆಯಲ್ಲಿ ಮಗಳ ಜತೆ ಜೀವನ ನಡೆಸುತ್ತಿದ್ದಳು. ಖಾಸಗಿ ಕಂಪನಿಯಲ್ಲಿ ಸಹೋದ್ಯೋಗಿ ಯಾಗಿದ್ದ ಸುನೀಲ್ ಪರಿಚಯ ಬೆಳೆದು, ಇಬ್ಬರು ಸಹ ಜೀವನ ನಡೆಸಿದ್ದಾರೆ. ದೇಗುಲದಲ್ಲಿ ಮದುವೆಯಾಗಿ ಬಳಿಕ ಸಬ್ ರಿಜಿಸ್ಟ್ರಾರ್ ಕಚೇರಿಯಲ್ಲಿ ನೋಂದಾಯಿ ಸಿದ್ದಾರೆ. ಈಗ ಆಕೆ 8 ತಿಂಗಳ ಗರ್ಭಿಣಿಯಾಗಿದ್ದು, ಮದುವೆಯಾಗಿದ್ದ ಯುವಕ ಕೈ ಕೊಟ್ಟಿದ್ದಾನೆ.
