ಭೀಮ್ ಆರ್ಮಿ ಪದಾಧಿಕಾರಿ ಗಿರೀಶ್ ಮಾತನಾಡಿ, ಕುಂಬಾರ ಜನಾಂಗದವರಿಗೆ ಸೇರಿದ ಆ ಜಾಗದಲ್ಲಿ ಮಣಿಯಮ್ಮ ಅಂಕನಾಥೇಶ್ವರ ದೇವಾಲಯ ಇರುವುದರಿಂದ ಪೂರ್ವಜರ ಕಾಲದಿಂದಲೂ ಪೂಜಾ ಕೈಂಕರ್ಯ ಮಾಡಲಾಗುತ್ತಿದೆ. ಅಲ್ಲದೆ ದೇವಾಲಯ ಬಳಿ ಮದುವೆ, ನಾಮಕರಣ, ಹಬ್ಬ ಆಚರಣೆ ಮಾಡಲಾಗುತ್ತಿದೆ. ದೇವಸ್ಥಾನದ ಹಿಂಭಾಗದ ಜಾಗದಲ್ಲಿ ಶೌಚಗೃಹ, ಮಹಿಳೆಯರಿಗಾಗಿ ಸ್ನಾನದ ಮನೆ, ಕಸದ ತೊಟ್ಟಿ ಹಾಗೂ ನೀರಿನ ತೊಟ್ಟಿ ನಿರ್ಮಿಸಲು ಜಾಗವನ್ನು ಕಾಯ್ದಿರಿಸಲಾಗಿದೆ. ಆದರೆ ಕುಂಬಾರ ಜನಾಂಗದವರ ಗಮನಕ್ಕೆ ಬಾರದೆ ಕೊಣಸೂರು ಗ್ರಾಮದ ಮೇದರ ಕೇತೇಶ್ವರ ಕ್ಷೇಮಾಭಿವೃದ್ಧಿ ಸಂಘದವರಿಗೆ ಖಾತೆ ಮಾಡಿ ಕೊಡಲಾಗಿದೆ. ಈ ವಿಚಾರವಾಗಿ ಕುಂಬಾರ ಸಂಘದವರು ಜಿಪಂ ಸಿಇಒ ಅವರಿಗೆ ಮೇಲ್ಮನವಿ ಸಲ್ಲಿಸಿದ್ದರೂ ಪ್ರಯೋಜನವಾಗಿಲ್ಲ ಎಂದು ಕಿಡಿಕಾರಿದರು.
