ಗುಡಿಯಲ್ಲಿ ವಿಶೇಷ ಪೂಜೆ: ದೇವಸ್ಥಾನದಲ್ಲಿ ವಾರದ ಪ್ರತಿ ದಿನವೂ ಪೂಜೆ, ಅರ್ಚನೆ ಮತ್ತು ಮಂಗಳಾರತಿ ನೆರವೇರುತ್ತದೆ. ಸಂಕ್ರಾಂತಿ, ಯುಗಾದಿ, ಶಿವರಾತ್ರಿ, ಗಣೇಶ ಚತುರ್ಥಿ, ದೀಪಾವಳಿ ಹಬ್ಬ ಮತ್ತು ಹನುಮ ಜಯಂತಿ ಸಂದರ್ಭಗಳಲ್ಲಿ ಭಕ್ತರು ಆಗಮಿಸಿ ಪೂಜೆ ಸಲ್ಲಿಸುತ್ತಾರೆ. ಹನುಮ ಜಯಂತಿ ದಿನದಂದೂ ಗ್ರಾಮದಲ್ಲಿ ಅದ್ದೂರಿಯಾಗಿ ಹಬ್ಬದ ರೀತಿಯಲ್ಲಿ ಆಚರಣೆ ಮಾಡುತ್ತಾರೆ. ಸಂತಾನ ಭಾಗ್ಯ, ಉದ್ಯೋಗ ಕೋರಿಕೆ, ಮನೆಯಲ್ಲಿ ಕಷ್ಟ, ಕಲ್ಯಾಣ ಭಾಗ್ಯ ಕೂಡದಿರುವುದು ಮತ್ತು ಕುಟುಂಬದಲ್ಲಿ ನೆಮ್ಮದಿ ಇಲ್ಲದಿರುವುದು ಸೇರಿದಂತೆ ಅನೇಕ ಸಮಸ್ಯೆಗಳನ್ನು ಹೊತ್ತು ತಂದು ಸ್ವಾಮಿಗೆ ಮುಂದೆ ಇಟ್ಟು ನಿವಾರಣೆಗೆ ಆರಾಧಿಸಿ ಹರಕೆ ಮಾಡಿಕೊಳ್ಳುತ್ತಾರೆ. ಅಂದುಕೊಂಡಂತೆ ಈಡೇರಿದ ಬಳಿಕ ಬೆಳ್ಳಿ ರೂಪದಲ್ಲಿ ಒಡವೆ, ಪಿಂಗಾಣಿ, ಗಂಟೆ ಮತ್ತು ಮಂಗಳಾರತಿ ತಟ್ಟೆ ಅಂತಹ ವಸ್ತುಗಳನ್ನು ಕಾಣಿಕೆಯಾಗಿ ಕೊಡುವುದು ಹಾಗೂ ಹಣ್ಣು ತುಪ್ಪ ಮಾಡಿಸುವುದು ಹೀಗೆ ಹತ್ತು ಹಲವು ರೀತಿಯಲ್ಲಿ ಹರಕೆಯನ್ನು ತಿರಿಸುವುದು ನಡೆದುಕೊಂಡು ಬಂದಿದೆ.
