ಚಿತ್ರದುರ್ಗ: ಕನ್ನಡ ಸಾಹಿತ್ಯ ಪರಿಷತ್ ಕೇಂದ್ರ ಸಮಿತಿ ಅಧ್ಯಕ್ಷ ಸ್ಥಾನಕ್ಕೆ ತಾವು ಸ್ಪರ್ಧಿಸುತ್ತಿರುವುದಾಗಿ ಸಾಮಾಜಿಕ ಹೋರಾಟಗಾರ ರಾಜ ಶೇಖರ ಮುಲಾಲಿ ಹೇಳಿದರು. ಗುರುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ,ಕಸಾಪದ 105 ವರ್ಷ ಇತಿಹಾಸವನ್ನು ಗಮನಿಸಿದರೆ ಈ ವರೆಗೆ ಅಧ್ಯಕ್ಷರಾಗಿರುವಂಥವರು ಒಂದು ಸಮುದಾಯ,ಒಂದು ಪ್ರದೇಶಕ್ಕೆ ಸೇರಿದವರೇ ಆಗಿದ್ದಾರೆ. ಬೆಂಗಳೂರು ಮೂಲದವರೇ ಶೇ.95 ಜನರು ಅಧ್ಯಕ್ಷರಾಗಿದ್ದಾರೆ.
ಕಸಾಪ ವಿರುದ್ಧ ನಿವೃತ್ತರ ಕೇಂದ್ರ,ತುಕ್ಕು ಹಿಡಿದಿದೆ ಎಂಬಿತ್ಯಾದಿ ಅಸಮಾಧಾನ ಮಾತುಗಳು ಕೇಳಿ ಬಂದಿವೆ. ದಿವಂಗತ ಹಿರಿಯ ಪತ್ರಕರ್ತ ರವಿಬೆಳಗೆರೆ ಅವರು, ಕಾರ್ಯಕ್ರಮವೊಂದರಲ್ಲಿ ನನ್ನನ್ನು ಉದ್ದೇಶಿಸಿ ತಮ್ಮಂಥವರು ಅಧ್ಯಕ್ಷರಾದರೆ ಕಸಾಪವನ್ನು ರಿಪೇರಿ ಮಾಡಲು ಸಾಧ್ಯವೆಂದು ಹೇಳಿದ್ದರು.
