ಗುಪ್ತಚರ, ಕಾಂಗ್ರೆಸ್ ಹೈಕಮಾಂಡ್ ಮಾಹಿತಿ ಪ್ರಕಾರ ಕಾಂಗ್ರೆಸ್ ಶಾಸಕರು ಬಿಜೆಪಿ ಸಂಪರ್ಕದಲ್ಲಿದ್ದಾರೆ ಎಂಬ ಮಾಹಿತಿ ತಿಳಿಯುತ್ತಿದ್ದಂತೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಶಾಸಕರು, ಸಚಿವರೊಂದಿಗೆ ಉಪಾಹಾರ ಸಭೆ ನಡೆಸಿ ಜೆಡಿಎಸ್-ಬಿಜೆಪಿಯಿಂದ ಪ್ರಮುಖ 50 ಜನರನ್ನು ಕರೆತರಲು ಟಾಸ್ಕ್ ನೀಡಿದ್ದಾರೆ. ಪರಿಸ್ಥಿತಿ ಹೀಗಿರುವಾಗ ನಮ್ಮ ಶಾಸಕರನ್ನು ಪಕ್ಷಕ್ಕೆ ಸೆಳೆಯಲು ಯಾಕೆ ಮಾನಸಿಕ ಹಿಂಸೆ ನೀಡುತ್ತೀರಾ? ಯಾಕೆ ಈ ಕಸರತ್ತು? ಯಾಕೆ ಔತನಕೂಟದ ಸಭೆ ಪ್ರಾರಂಭವಾಗಿದೆ ಎಂದು ಪ್ರಶ್ನಿದ ಅವರು, ನಿಮ್ಮ ಹೆಗ್ಗಣ ಸತ್ತು ಬಿದ್ದಿರುವುದು ನಿಮ್ಮ ತಟ್ಟೆಯಲ್ಲಿ, ಹೀಗಿರುವಾಗ ಕೀಳುಮಟ್ಟದ ರಾಜಕಾರಣ ಮಾಡುವುದನ್ನು ನಿಲ್ಲಿಸಿ ಎಂದು ಕಾಂಗ್ರೆಸ್ ಮುಖಂಡರಿಗೆ ತಿರುಗೇಟು ನೀಡಿದರು.
