ಕೆರೆ ಒತ್ತುವರಿ ತೆರೆವು ಎಂಬುದು ನೆಪಮಾತ್ರಕ್ಕೆ ಆಗಬಾರದು. ಎಲ್ಲಾ ಕೆರೆಗಳ ಮೂಲ ದಾಖಲೆಗಳನ್ನು ಪರೀಶೀಲಿಸಿ, ಮೂಲ ಎಷ್ಟು ಎಕರೆ ಇದೆ ಎಂಬುದನ್ನು ಖಾತರಿಪಡಿಸಿಕೊಳ್ಳುವ ಜೊತೆಗೆ ಕೆರೆ ಜಮೀನಿಗೆ ನಕಲಿ ದಾಖಲೆಗಳನ್ನು ಸೃಷ್ಠಿ ಮಾಡಿಕೊಂಡಿರುವ ಪ್ರಕರಣವನ್ನು ಗಂಬೀರವಾಗಿ ಪರಿಗಣಿಸುವ ಜೊತೆಗೆ ಹೃದಯ ಭಾಗದಲ್ಲಿರುವ ಕೋಲಾರಮ್ಮನ ಕೆರೆ, ಕೋಡಿಕಣ್ಣೂರು, ಹಾಗೂ ಜಿಲ್ಲಾಧಿಕಾರಿಗಳ ಕಛೇರಿ ಹಿಂಬಾಗ ಇರುವ ಕುಂಬಾರಹಳ್ಳಿ ಕೆರೆ ಜಮೀನಿಗೆ ಪಹಣಿ ಖಾತೆ ಮಾಡಿಕೊಂಡಿದ್ದಾರೆ. ನೂರಾರು ಎಕರೆ ಒತ್ತುವರಿಯಾಗಿದ್ದು, ಜಿಲ್ಲಾಧಿಕಾರಿಗಳು ಮೊದಲು ಈ ಮೂರು ಕೆರೆಗಳನ್ನು ತೆರೆವು ಮಾಡುವ ಮುಖಾಂತರ ಕೆರೆ ಒತ್ತುವರಿ ತೆರೆವು ಅಭಿಯಾನಕ್ಕೆ ಜೀವ ನೀಡಬೇಕೆಂದು ಒತ್ತಾಯಿಸಿದ್ದಾರೆ.
