ದಸರಾ ಉದ್ಘಾಟನೆಗೆ 200, ಜಂಬೂಸವಾರಿಗೆ 300 ಜನ

ಜಂಬೂಸವಾರಿಗೆ 300 ಜನ

ದಸರಾ ಉದ್ಘಾಟನೆಗೆ 200

• ಡಾ.ಸುದರ್ಶನ್ ನೇತೃತ್ವದ ಸಮಿತಿಯಿಂದ ಸರ್ಕಾರಕ್ಕೆ ವರದಿ ಸಲ್ಲಿಕೆ

ಕರೊನಾ ಮೈಸೂರಿನಲ್ಲಿ ನಿಯಂತ್ರಣ ಮೀರಿ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ತಜ್ಞರಿಂದ ವರದಿ ಕೇಳಿದ್ದರು. ಆ ಹಿನ್ನೆಲೆಯಲ್ಲಿ ಡಾ.ಸುದರ್ಶನ್ ಅಧ್ಯಕ್ಷತೆಯ ತಂಡ ಮೈಸೂರು ಜಿಲ್ಲಾಧಿಕಾರಿ ರೋಹಿಣಿ ಸಿಂಧೂರಿ ಭೇಟಿ ಮಾಡಿತ್ತಲ್ಲದೆ, ಜಿಲ್ಲೆಯ ಅಧಿಕಾರಿಗಳೊಂದಿಗೆ ಚಾಮುಂಡಿ ಬೆಟ್ಟ, ಅರಮನೆಗೆ ತೆರಳಿ ಪರಿಶೀಲನೆ ನಡೆಸಿತ್ತು.

ಡಾ.ಎಂ.ಕೆ.ಸುದರ್ಶನ್ ಅಧ್ಯಕ್ಷತೆಯಲ್ಲಿ ಶುಕ್ರವಾರ ಮೈಸೂರಿನಲ್ಲಿ ಸಭೆ ನಡೆಸಿರುವ ಸಮಿತಿ. ಮೈಸೂರು ದಸರಾ ಆರಂಭದ ದಿನವಾದ ಅ.17ರಿಂದ ಜಂಬೂಸವಾರಿ ದಿನವಾದ ಅ.26ರ ತನಕ ಎಷ್ಟು ಜನ ಸೇರಬೇಕು, ಏನೇನು ಮುನ್ನೆಚ್ಚರಿಕೆ ತೆಗೆದುಕೊಳ್ಳಬೇಕೆಂದು ಕೂಲಂಕಷವಾಗಿ ಚರ್ಚಿಸಿ ಸರ್ಕಾರಕ್ಕೆ ವರದಿ ನೀಡಿದೆ. ಸಮಿತಿಯ ಕಾರ್ಯದರ್ಶಿ ಡಾ.ಮೊಹಮ್ಮದ್ ಷರ್ೀ, ಸದಸ್ಯ ಡಾ.ಲೋಕೇಶ್ ಅಲಹರಿ ಇದ್ದರು.

ಮೈಸೂರು ದಸರಾ ಉತ್ಸವವನ್ನು ಕರೊನಾ ನಿಯಂತ್ರಣದ ಮುನ್ನೆಚ್ಚರಿಕೆ ತೆಗೆದುಕೊಂಡು ಸಾರ್ವಜನಿಕರಿಗೆ ಅವಕಾಶ ನೀಡದೆ ಸರಳವಾಗಿ ಆಚರಿಸುವ ಕುರಿತು ಆರೋಗ್ಯ ಇಲಾಖೆಯ ತಾಂತ್ರಿಕ ಸಲಹಾ ಸಮಿತಿ ಸರ್ಕಾರಕ್ಕೆ ಶಿಾರಸು ಮಾಡಿದೆ.

ವಿಜಯವಾಣಿ ಸುದ್ದಿಜಾಲ ಬೆಂಗಳೂರು

-ಮೈಸೂರು ನಗರದ ಆಯ್ದ ಸ್ಥಳಗಳಲ್ಲಿ ಸಂಜೆ 7ರಿಂದ ರಾತ್ರಿ 9ರವರೆಗೆ 10 ದಿನ ಕಾಲ ವಿದ್ಯುದ್ದೀಪಾಲಂಕಾರ ವ್ಯವಸ್ಥೆ ವೀಕ್ಷಣೆ ವೇಳೆ ಜನಸಂದಣಿ ಉಂಟಾಗದಂತೆ ಪೊಲೀಸರು ಎಚ್ಚರ ವಹಿಸಬೇಕು. ಪ್ರೇಕ್ಷಕರು ೇಸ್ ಮಾಸ್ಕ್ ಧರಿಸಿರುವುದನ್ನು ಪರಿಶೀಲಿಸಬೇಕು.

-ಮೈಸೂರು ಅರಮನೆಯಲ್ಲಿ ಸಂಜೆ ನಡೆಯುವ ಸಾಂಸ್ಕೃತಿಕ ಕಾರ್ಯಕ್ರಮವನ್ನು ದಿನಕ್ಕೆ 2 ಗಂಟೆಗೆ ಸೀಮಿತಗೊಳಿಸಬೇಕು. ಸ್ಥಳೀಯ ಕಲಾವಿದರು 50 ಮೀರಬಾರದು.

-ಅ.17ರಂದು ಚಾಮುಂಡಿ ಬೆಟ್ಟದಲ್ಲಿ ಸಿಎಂ ಉದ್ಘಾಟಿಸಲಿರುವ ಕಾರ್ಯಕ್ರಮಕ್ಕೆ ಅಧಿಕಾರಿಗಳು, ಕಲಾವಿದರು, ರಕ್ಷಣಾ ಸಿಬ್ಬಂದಿ ಸೇರಿ 200 ಮಂದಿಗೆ ಸೀಮಿತ.

ಶಿಾರಸುಗಳೇನು?

• ಅ.26ರ ಜಂಬೂ ಸವಾರಿಗೆ ಅಧಿಕಾರಿಗಳು, ಕಲಾವಿದರು, ರಕ್ಷಣಾ ಸಿಬ್ಬಂದಿ ಸೇರಿ 300 ಜನರಿಗಷ್ಟೇ ಅವಕಾಶ.
• ಎಲ್ಲ ಕಾರ್ಯಕ್ರಮಗಳಲ್ಲೂ ಕರೊನಾ ಮುನ್ನೆಚ್ಚರಿಕಾ ಕ್ರಮಗಳನ್ನು ಪಾಲಿಸಿ ಪಾಲ್ಗೊಳ್ಳಬೇಕು.

ಸಾಮಾನ್ಯ ಪರಿಗಣನೆಗಳು

• 2020ರ ದಸರಾ ಉತ್ಸವಕ್ಕೆ ಸಾರ್ವಜನಿಕರ ಪ್ರವೇಶ ನಿಷಿದ್ಧ. ಆನ್‌ಲೈನ್ ಮೂಲಕ ವೀಕ್ಷಣೆಗೆ ಅವಕಾಶ.
• ಉತ್ಸವದಲ್ಲಿ ಭಾಗವಹಿಸುವವರು ಆರ್‌ಟಿ-ಪಿಸಿಆರ್ ನೆಗೆಟಿವ್ ಪರೀಕ್ಷಾ ವರದಿ ಹಾಜರುಪಡಿಸುವುದು ಕಡ್ಡಾಯ.
• ಸ್ಥಳೀಯ, ವಿಶೇಷವಾಗಿ ಮೈಸೂರು ಮತ್ತು ರಾಜ್ಯದ ಇತರ ಜಿಲ್ಲೆಗಳ ಕಲಾವಿದರನ್ನು ಮಾತ್ರ ಉತ್ಸವದಲ್ಲಿ ಭಾಗಿದಾರರಾಗುವಂತೆ ನೋಡಿಕೊಳ್ಳಬೇಕು.
• ೇಸ್‌ಮಾಸ್ಕ್, ಸಾಮಾಜಿಕ ಅಂತರ ಪಾಲನೆ, ಸ್ಯಾನಿಟೈಸರ್ ಬಳಕೆ, ಥರ್ಮಲ್ ಸ್ಕ್ರೀನಿಂಗ್ ಅಳವಡಿಸಬೇಕು.
• ಕೆಮ್ಮು, ಶೀತ, ಜ್ವರ, ಗಂಟಲು ನೋವು, ಉಸಿರಾಟ ಸಮಸ್ಯೆ ಇರುವವರಿಗೆ ಪ್ರವೇಶ ನೀಡಬಾರದು.
• ಕರೊನಾ ಕಾರಣ ದಸರಾ ಸಂದರ್ಭ ವಿಧಿಸಲಾಗುವ ನಿರ್ಬಂಧಗಳ ಕುರಿತು ಜಿಲ್ಲಾಡಳಿತ ಸಾರ್ವಜನಿಕರಿಗೆ ಸಮರ್ಪಕ ಮಾಹಿತಿ ನೀಡಬೇಕು.