ಮಗುವಿನ ರೋಗನಿರೋಧಕ ಶಕ್ತಿ ಹೆಚ್ಚಿಸುವ, ಸದೃಢ ಬೆಳೆವಣಿಗೆಗೆ ಮೂಲ ಕಾರಣ ತಾಯಿ ಹಾಲು ಎನ್ನುವುದನ್ನು ಬಹುತೇಕ ತಾಯಂದಿರು ಮರೆತಿದ್ದಾರೆ. ತಾಯಿ ಹಾಲು ಮಗುವಿಗೆ ಸಮಗ್ರ ಆಹಾರವಾಗಿರುತ್ತದೆ. ಅದರಲ್ಲಿ ಅಗತ್ಯ ಪ್ರೋಟೀನ್, ಕಾರ್ಬೋಹೈಡ್ರೆಟ್ಸ್, ಫ್ಯಾಟ್, ವಿಟಮಿನ್ಸ್ ಮತ್ತು ಮಿನರಲ್ಸ್ ಇದ್ದು, ಮಗುವಿನ ಬುದ್ಧಿಮತ್ತೆ ವೃದ್ಧಿಸಲು ಸಹಾಯಕಾರಿಯಾಗಿದೆ. ಹಾಲು ಉಣಿಸುವುದರಿಂದ ಕೇವಲ ಮಗುವಿಗೆ ಮಾತ್ರವಲ್ಲ, ತಾಯಿಗೂ ಲಾಭವಿದೆ. ಸಮರ್ಪಕವಾಗಿ ಹಾಲು ಉಣಿಸುವ ತಾಯಂದಿರು ಸ್ತನ್ಯ ಮತ್ತು ಒವೇರಿಯನ್ ಕ್ಯಾನ್ಸರ್ನಿಂದ ಪಾರಾಗಬಹುದು. ಅಲ್ಲದೆ ಮಧುಮೇಹ ಮತ್ತು ಹೃದಯಸಂಬಂಧಿ ಕಾಯಿಲೆಗಳಿಂದ ದೂರವಾಗಬಹುದು. ಹೀಗಾಗಿ ತಾಯಂದಿರು ಆಧುನಿಕತೆಯ ಮೋಹಕ್ಕೆ ಬಲಿಯಾಗದೆ ಹಾಲು ನೀಡಬೇಕೆಂದು ಸಲಹೆ ನೀಡಿದರು.
