ಮಧುಗಿರಿ ತಾಲೂಕಿನ ರವಿತೇಜ್, ಅರಕೆರೆಯ ನಂದಿನಿ ಜತೆಗೆ ಸಂಪತ್ಗೌಡ, ರುದ್ರೇಶ್, ಸುಜಯ್, ಉದಿತ್, ಪ್ರಿಯಾಂಕ, ಶೀತಲ್, ಮೇಘಾ , ರೂಪಶ್ರೀ, ಪ್ರತಿಭಾ ಸೇರಿ 16 ವಿದ್ಯಾರ್ಥಿಗಳು ಯೂಕ್ರೇನ್ ಕಾರ್ಕೀವಾ ನ್ಯಾಷನಲ್ ಮೆಡಿಕಲ್ ಯೂನಿವರ್ಸಿಟಿಯಲ್ಲಿ ಎಂಬಿಬಿಎಸ್ ವ್ಯಾಸಂಗ ಮಾಡುತ್ತಿದ್ದು, ಸದ್ಯಕ್ಕೆ ಎಲ್ಲರೂ ಸಬ್ವೇ ಮೆಟ್ರೋನಲ್ಲಿ ಸುರಕ್ಷಿತವಾಗಿದ್ದಾರೆ. ನಿರಂತರವಾಗಿ ಭಾರತೀಯ ರಾಯಭಾರ ಕಚೇರಿ ಜತೆ ಸಂಪರ್ಕ ಸಾಧಿಸಿರುವ ಈ ಕನ್ನಡಿಗರು ತಾಯ್ನಡಿಗೆ ಮರಳುವ ತವಕದಲ್ಲಿದ್ದಾರೆ. ಆದಷ್ಟು ಬೇಗ ಇಲ್ಲಿಂದ ನಮ್ಮನ್ನು ಕರೆದೊಯ್ಯುವಂತೆ ಎಲ್ಲರೂ ಪ್ರಾರ್ಥಿಸುತ್ತಿರುವುದಾಗಿ ಅರಕೆರೆಯ ನಂದಿನಿ ‘ವಿಜಯವಾಣಿ’ಗೆ ಮಾಹಿತಿ ಹಂಚಿಕೊಂಡಿದ್ದಾರೆ.
