ಜಗನ್ನಾಥ ಶೆಣೈ ಮಾತನಾಡಿ, ಮೈಸೂರು ಅನಾದಿ ಕಾಲದಿಂದಲೂ ಕಲೆ, ಸಂಸ್ಕೃತಿ ಹಾಗೂ ಸಂಪ್ರದಾಯಗಳಿಗೆ ವಿಶೇಷ ಒತ್ತು ನೀಡುತ್ತಾ ಬಂದಿದೆ. ಒಡೆಯರ್ ಕಾಲದಿಂದಲೂ ಮೈಸೂರು ಕಲೆ, ಸಂಸ್ಕೃತಿಗೆ ಹೆಸರುವಾಸಿ. ಆಗಿನ ಕಾಲದಲ್ಲಿ ದಸರಾ ಸಂದರ್ಭದಲ್ಲಿ ಇಂತಹ ಹಲವಾರು ಕಲೆಗಳು ಪ್ರದರ್ಶನಗೊಳ್ಳುತ್ತಿದ್ದವು. ಕಲೆಗೆ ಹಾಗೂ ಕಲಾವಿದರಿಗೆ ದಸರಾ ಅತ್ಯುತ್ತಮ ವೇದಿಕೆಯಾಗುತ್ತಿತ್ತು. ಆ ಪ್ರತೀತಿ ಇಂದಿಗೂ ಮುಂದುವರೆದಿದೆ. ಜತೆಗೆ ಮೈಸೂರಿನಲ್ಲಿ ಬಹಳ ಹಿಂದಿನಿಂದಲೂ ಕಲಾತ್ಮಕ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ನಡೆಸಲೆಂದೇ ಹಲವಾರು ಸ್ಥಳಗಳಿವೆ. ಆದರೆ, ಕಾಲ ಬದಲಾಗುತ್ತಿದ್ದಂತೆ ಸಮಾಜದ ಬೇಡಿಕೆಗಳೂ ಹೆಚ್ಚುತ್ತವೆ. ಮೈಸೂರಿನಂತಹ ನಗರದಲ್ಲಿ ಜನರು ಸೇರಲು, ಕಲಾವಿದರು ಪ್ರದರ್ಶನಗಳನ್ನು ನೀಡಲು, ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ನಡೆಸಲು ಒಂದು ಸೂಕ್ತ ಸ್ಥಳದ ಅವಶ್ಯಕತೆ ಇತ್ತು. ಈ ನಿಟ್ಟಿನಲ್ಲಿ ಈ ಕೇಂದ್ರವನ್ನು ಪ್ರಾರಂಭಿಸಲಾಗಿದೆ ಎಂದು ತಿಳಿಸಿದರು.
