ಅಲ್ಲದೆ ಎಚ್.ಡಿ.ಕೋಟೆ ತಾಲೂಕಿನ ಹಂಪಾಪುರ ಹೋಬಳಿಗೆ ಸೇರುವ ಹಾಗೂ ನಂಜನಗೂಡು ತಾಲೂಕಿನ ಇಬ್ಜಾಲ್ ಗ್ರಾಮದಲ್ಲಿನ ಮಲ್ಲಪ್ಪನಕಟ್ಟೆಯೂ ತುಂಬಿ ಕೋಡಿಬಿದ್ದು ಕೃಷಿಕರು ಒಂದು ವಾರದಿಂದಷ್ಟೇ ನಾಟಿ ಮಾಡಿದ ಸುಮಾರು 60 ಎಕರೆ ಭತ್ತ, ಹತ್ತಿ, ಕಬ್ಬು, ಶುಂಠಿ, ಬಾಳೆ, ರಾಗಿ, ಹೂವಿನ ತೋಟಗಳು ಜಲಾವೃತವಾಗಿವೆ.
ಹಂಪಾಪುರ ಹೋಬಳಿಗೆ ಸೇರುವ ಕವಡೆತಿಟ್ಟಿನ ಸಮೀಪದ ದೊಡ್ಡಕೆರೆ ಭರ್ತಿಯಾಗಿ ಕೋಡಿಬಿದ್ದಿದ್ದು, ಹೇರ್ಗಳ್ಳಿ, ಅವರೆಗೆರೆ, ವಡ್ಡರಪಾಳ್ಯದ ನೂರಾರು ಎಕರೆ ಜಮೀನುಗಳು ಸಂಪೂರ್ಣ ಮುಳುಗಡೆಯಾಗಿ ಸಾವಿರಾರು ಕೃಷಿಕರಿಗೆ ಲಕ್ಷಾಂತರ ರೂ. ನಷ್ಟವಾಗಿದೆ. ಇದರಿಂದ ಆಕ್ರೋಶಗೊಂಡ ರೈತರು ನೀರಾವರಿ ಇಲಾಖೆಯ ಇಂಜಿನಿಯರ್ಗಳ ಮೇಲೆ ಹಿಡಿಶಾಪ ಹಾಕುತ್ತಿದ್ದಾರೆ. ಸಮರ್ಪಕವಾಗಿ ಕಬಿನಿ ಬಲದಂಡೆ ನಾಲೆಗೆ ಸೇರಿದ ಚಾನಲ್ಗಳ ಕಳಪೆ ಕಾಮಗಾರಿಯಿಂದ ಇಂತಹ ಅವಘಡ ಸಂಭವಿಸಿದೆ. ಸಂಬಂಧಪಟ್ಟ ನೀರಾವರಿ ಇಲಾಖೆ ಇಂಜಿನಿಯರ್ಗಳೇ ಇದಕ್ಕೆ ಮುಖ್ಯ ಕಾರಣ ಎಂದು ಇಬ್ಜಾಲ್ ಗ್ರಾಮಸ್ಥ ಶಿವಣ್ಣ ದೂರಿದ್ದಾರೆ.
