ಗ್ರಾಮಸ್ಥರ ಅಸಮಾಧಾನ: ಬಳ್ಳಿ ತೆಗೆದು ನದಿ ಸ್ವಚ್ಛಗೊಳಿಸುವಂತೆ ತಾಲೂಕು, ನೀರಾವರಿ ಇಲಾಖೆ ಅಧಿಕಾರಿಗಳಿಗೆ ಮನವಿ ಸಲ್ಲಿಸಿದರೂ ಸ್ಪಂದಿಸುತ್ತಿಲ್ಲ ಎಂದು ಗ್ರಾಮಸ್ಥರು ದೂರಿದ್ದಾರೆ. ಕೃಷ್ಣಾ ನದಿಯ ಸುತ್ತಮುತ್ತಲಿನ ನೂರಾರು ಗ್ರಾಮಗಳ ಜನರು ಕುಡಿಯುವ ನೀರು, ಕೃಷಿ ಚುಟವಟಿಕೆಗಳಿಗಾಗಿ ಈ ನದಿ ನೀರನ್ನೇ ಅವಲಂಬಿಸಿದ್ದಾರೆ. ಆದರೆ, ಇದೀಗ ನದಿ ತುಂಬೆಲ್ಲ ವಿಷಕಾರಿ ಬಳ್ಳಿ ಬೆಳದಿದ್ದರಿಂದ ನೀರಿನ ಬಳಕೆಗೆ ಅಡ್ಡಿಯಾಗಿದೆ. ಅಲ್ಲದೆ, ಬಳ್ಳಿಯಿಂದಾಗಿ ನೀರು ವಿಷವಾಗುತ್ತಿದ್ದು ಜನ-ಜಾನುವಾರಗಳಿಗೆ ಕುಡಿಯಲು, ಬಳಸಲೂ ಭಯಗೊಳ್ಳುವಂತಾಗಿದೆ. ಅಲ್ಲದೆ, ಜನರು ನೀರಿನ ಸಮಸ್ಯೆ ಎದುರಿಸಬೇಕಾಗಿದೆ. ಜಿಲ್ಲಾಡಳಿತ ಕೂಡಲೇ ವಿಷಯುಕ್ತ ಬಳ್ಳಿ ತೆರೆವುಗೊಳಿಸಿ ನದಿ ಸ್ವಚ್ಛಗೊಳಿಸಬೇಕು ಎಂದು ಗ್ರಾಮಸ್ಥರು ವಿನಂತಿಸಿದ್ದಾರೆ.
