ವಿದುಷಿ ಧನ್ಯಾ ದಿನೇಶ್ ರುದ್ರಪಟ್ಟಣ ಅವರು ಉದಯೋನ್ಮುಖ ಕರ್ನಾಟಕ ಸಂಗೀತಗಾರರು. ಚಿಕ್ಕ ವಯಸ್ಸಿನಲ್ಲಿಯೇ ಸಂಗೀತದ ಆಕರ್ಷಣೆ ಹೊಂದಿದ್ದವರು ಕೆಲವು ಕಾಲ ಚೆನ್ನೈನ ವಿದ್ವಾನ್ ನೈವೇಲಿ ಆರ್.ಸಂತಾನ ಗೋಪಾಲನ್ರವರ ಶಿಷ್ಯರಾಗಿದ್ದರು. ಅನಂತರ ವಿದ್ವಾನ್ ಡೆಲ್ಲಿ ಪಿ. ಸುಂದರರಾಜನ್ರವರ ಬಳಿ ಸಂಗೀತ ಕಲಿಕೆಯನ್ನು ಮುಂದುವರಿಸಿದರು. ಬೆಂಗಳೂರಿನ ಗಾಯನ ಸಮಾಜ ಮತ್ತು ಮೈಸೂರಿನ ಜೆಎಸ್ಎಸ್ ಸಂಗೀತಸಭೆಯ ವಾರ್ಷಿಕ ಸಮ್ಮೇಳನಗಳಲ್ಲಿ ಕಾರ್ಯಕ್ರಮ ನೀಡಿರುವರು. ಉದಯೋನ್ಮುಖ ಸಂಗೀತಗಾರರಿರಾಗಿ ನಡೆದ ರಾಷ್ಟ್ರೀಯ ಮಟ್ಟದ ಸಂಗೀತ ಸ್ಪರ್ಧೆಯ ಬಹುಮಾನಿತರಾಗಿದ್ದಾರೆ. ಮೈಸೂರಿನ ನಾದಬ್ರಹ್ಮ ಸಂಗೀತ ಸಭೆಯ ನಾದಕಿಶೋರಿ ಪ್ರಶಸ್ತಿಗೆ ಭಾಜನರು. ಕರ್ನಾಟಕ, ತಮಿಳುನಾಡು, ಕೇರಳ ರಾಜ್ಯಗಳಲ್ಲಿ ಅಸಂಖ್ಯಾತ ಕಾರ್ಯಕ್ರಮಗಳನ್ನು ನೀಡಿರುವ ಖ್ಯಾತಿ. ಅಖಿಲ ಭಾರತ ಆಕಾಶವಾಣಿಯ ಬಿ-ಹೈ ಶ್ರೇಣಿಯ ಕಲಾವಿದರು. ತ್ರಿಸ್ಥಾಯಿಯಲ್ಲಿಯೂ ಸರಾಗವಾಗಿ ನುಡಿಯುವಂಥ ಶಾರೀರ, ಶಾಸ್ತ್ರಶುದ್ಧಿ, ಸಾಹಿತ್ಯನಿಷ್ಠೆ ಮುಂತಾದ ಗುಣಗಳಿಂದ ಕೂಡಿದ ಸುಮಧುರ ಗಾಯನದಿಂದ ಶ್ರೋತೃಗಳು ಮತ್ತು ವಿಮರ್ಶಕರ ಪ್ರಶಂಸೆಗೆ ಪಾತ್ರರಾಗಿದ್ದಾರೆ. ಪ್ರಸ್ತುತ ಚೆನ್ನೈನಲ್ಲಿ ನೆಲೆಸಿರುವರು.
