ಅರ್ಥಪೂರ್ಣ ಕಾರ್ಯಕ್ರಮ: ಅರಣ್ಯ ಇಲಾಖೆ ಹುತಾತ್ಮರಿಗಾಗಿ ಆಯೋಜಿಸಿದ್ದ ಕಾರ್ಯಕ್ರಮ ಅರ್ಥಪೂರ್ಣವಾಗಿತ್ತು. ಪರೇಡ್ ಕಮಾಂಡರ್ರಿಂದ ಕವಾಯಿತು ಆರಂಭಿಸುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಯಿತು. ನ್ಯಾಯಾಧೀಶರಾದ ಮೋಹನ್ ಕುಮಾರ್.ಬಿ.ಪಾಟೀಲ್ ಸೇರಿ ಹಿರಿಯ ಅಧಿಕಾರಿಗಳು, ವಲಯ ಅರಣ್ಯಾಧಿಕಾರಿಗಳು, ಕಚೇರಿ ಸಿಬ್ಬಂದಿ, ಅರಣ್ಯ ರಕ್ಷಕರು, ದ್ವಿತೀಯ ದರ್ಜೆ ಆಕೃತಿ ರಚನಕಾರರು, ಅರಣ್ಯ ವೀಕ್ಷಕರು, ವಾಹನ ಚಾಲಕರು, ಅಧಿಸೂಚಿತ ನೌಕರರು, ಗ್ರೂಪ್ ಡಿ ನೌಕರರು, ಆನೆ ಜಮೇದಾರ, ಮಾವುತ, ಕಾವಾಡಿಗಳು, ಹೊರಗುತ್ತಿಗೆ ನೌಕರರು ಹೀಗೆ ಎಲ್ಲ ವಿಭಾಗದಿಂದ ಒಬ್ಬೊಬ್ಬರು ಹುತಾತ್ಮರ ಸ್ಮಾರಕಕ್ಕೆ ಪುಷ್ಪನಮನ ಸಲ್ಲಿಸಲು ಅವಕಾಶ ಕಲ್ಪಸಲಾಯಿತು
ಕವಾಯತು ತಂಡದಿಂದ ಗಾಳಿಯಲ್ಲಿ 3 ಸುತ್ತು ಗುಂಡು ಹಾರಿಸುವ ಮೂಲಕ ಹುತಾತ್ಮರಿಗೆ ಗೌರವ ಸಲ್ಲಿಸಲಾಯಿತು. ಎಸಿಎಫ್ ಡಿ.ಎಸ್.ದಯಾನಂದ ಹುತಾತ್ಮರ ದಿನಾಚರಣೆ ಕುರಿತು ಕಿರು ವಿವರಣೆ ನೀಡಿದರು. ಆರ್ಎಫ್ಒ ಕೆ.ಎನ್.ರಂಗಸ್ವಾಮಿ ಈವರೆಗೆ ಹುತಾತ್ಮಕರಾದ ಸಿಬ್ಬಂದಿ ಹೆಸರುಗಳನ್ನು ಸ್ಮರಿಸಿದರು. ಕವಾಯತು ತಂಡದಿಂದ ಅಬಾಡ್ ವಿತ್ ಮಿ ಗೀತೆ ನುಡಿಸುವ ಮೂಲಕ ಕಾರ್ಯಕ್ರಮ ಮುಕ್ತಾಯಗೊಳಿಸಲಾಯಿತು.
