ಉಡುಪಿ ಅಧಿಕಾರಿ ಮನೆಗೆ ಎಸಿಬಿ ರೈಡ್:ರಾಜ್ಯಾದ್ಯಂತ 28 ಕಡೆ ಎಸಿಬಿ ಕಾರ್ಯಚರಣೆ

ಉಡುಪಿ: ರಾಜ್ಯಾದ್ಯಂತ ವಿವಿಧ ಇಲಾಖೆಯ ಒಂಬತ್ತು ಅಧಿಕಾರಿಗಳ ಮನೆ ಮತ್ತು ಕಚೇರಿ ಸೇರಿದಂತೆ 11 ಜಿಲ್ಲೆಗಳಲ್ಲಿ, 28 ಕಡೆಗಳಲ್ಲಿ ಮಂಗಳವಾರ ಬೆಳ್ಳಂಬೆಳಗ್ಗೆ ಎಸಿಬಿ‌ ( ಭ್ರಷ್ಟಾಚಾರ‌ ನಿಗ್ರಹದಳ ) ದಾಳಿ ನಡಸಿದೆ.

ಉಡುಪಿ ನಿಟ್ಟೂರು ಸಮೀಪ ಇರುವ ಅಧಿಕಾರಿಯೊಬ್ಬರ ಮನೆಗೆ ದಾಳಿ ನಡೆಸಿ ಪರಿಶೀಲನೆ ನಡೆಸಿದ್ದಾರೆ ಎಂದು ತಿಳಿದುಬಂದಿದೆ. ಈ ಹಿಂದೆ ಉಡುಪಿ ನಗರದಲ್ಲಿ ಅಧಿಕಾರಿಯಾಗಿದ್ದ ಪ್ರಸ್ತುತ ಮೈಸೂರು ನಗರ ಯೋಜನೆಗಳ ಜಂಟಿ ನಿರ್ದೇಶಕ ಸುಬ್ರಹ್ಮಣ್ಯ ಕೆ. ಎಂಬವರ ಮನೆ ಇದಾಗಿದೆ ಎಂದು ಮೂಲಗಳಿಂದ ತಿಳಿದುಬಂದಿದೆ. ಅಧಿಕಾರಿಗಳಿಂದ ಮಧ್ಯಾಹ್ನವರೆಗೂ ಪರಿಶೀಲನೆ ಮುಂದುವರಿದಿದೆ.