ಶ್ರೀಕಂಠೇಶ್ವರಸ್ವಾಮಿ ದೇವಾಲಯದ ಆವರಣ ಸಹಾ ಸಂಪೂರ್ಣ ಖಾಲಿಯಿದ್ದು, ದೇವಾಲಯದ ಸ್ನಾನಘಟ್ಟ, ಮುಡಿಕಟ್ಟೆ ಹಾಗೂ ವಾಣಿಜ್ಯ ಸಂಕೀರ್ಣಗಳು ಭಣಗುಡುತ್ತಿದ್ದವು ಸದಾ ಜನಜಂಗುಳಿಯ ಕೆಂದ್ರ ಸ್ಥಳವಾದ ದೇವಾಲಯದ ಭಕ್ತಿಮಾರ್ಗದ ರಸ್ತೆ ಸಹ ಖಾಲಿಯಾಗಿತ್ತು.
ಶನಿವಾರ ನಗರದ ಬಸವನಗುಡಿ ಬಡಾವಣೆಯ 44ವರ್ಷದ ಪುರುಷನಿಗೆ ಸೋಂಕು ತಗುಲಿದ್ದು, ರೋಗಿಯೊಂದಿಗೆ ಪ್ರಾಥಮಿಕ ಸಂಪರ್ಕ ಹೊಂದಿದ್ದ ಐವರನ್ನು ಮುನ್ನೆಚ್ಚರಿಕೆ ಕ್ರಮವಾಗಿ ಕ್ವಾರಂಟೈನ್ನಲ್ಲಿಡಲಾಗಿದೆ. ಮೂರ್ನಾಲ್ಕು ದಿನಗಳಿಂದ ಜ್ವರದಿಂದ ಬಳಲುತ್ತಿದ್ದ ಸೋಂಕಿತನನ್ನು ನಗರದ ಇಎಸ್ಐ ಆಸ್ಪತ್ರೆಯಲ್ಲಿರುವ ಜ್ವರದ ಕ್ಲಿನಿಕ್ನಲ್ಲಿ ಗಂಟಲು ದ್ರವದ ತಪಾಸಣೆಗೊಳಪಡಿಸಿದಾಗ ಕೊರೊನಾ ಪಾಸಿಟಿವ್ ಧೃಡಪಟ್ಟಿದೆ ಎಂದು ಆರೋಗ್ಯ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ.
