ಅರಾಭಿಕೊತ್ತನೂರು ಗ್ರಾಮಕ್ಕೆ ಸುತ್ತಲೂ ಬೆಟ್ಟಗಳು ಸುತ್ತುವರೆದಿದ್ದು, ಸುಂದರ ಪರಿಸರದಲ್ಲಿ ಗ್ರಾಮವಿದೆ. ಅರಾಬಿಕೊತ್ತನೂರು ಮತ್ತು ದೊಡ್ಡ ಅಯ್ಯೂರು ಮದ್ಯೆ ಇರುವ ಬೆಟ್ಟ ಒಂದು ರೀತಿಯಲ್ಲಿ ಅಂಜನಾದ್ರಿ ಬೆಟ್ಟ ಎಂದು ಕರೆಯಲ್ಪಡುತ್ತದೆ. ಅಲ್ಲಿ ಆಂಜನೇಯ ಸ್ವಾಮಿ ದೇವಸ್ಥಾನವೂ ಇದೆ. ಕಾಡು ಪ್ರಾಣಿಗಳು, ಪಕ್ಷಿಗಳು ವಾಸ ಮಾಡುತ್ತಿದ್ದು, ಅಂತಹ ಬೆಟ್ಟದಲ್ಲಿ ಕಲ್ಲು ಕ್ವಾರೆ ಸ್ಥಾಪಿಸಲು ಮುಂದಾದಾಗ ತೀವ್ರ ವಿರೋಧ ವ್ಯಕ್ತಪಡಿಸಿ ಹೋರಾಟ ಮಾಡಲಾಯಿತು. ಆದರೆ ಸ್ಥಳೀಯ ಅಧಿಕಾರಿಗಳು ಅವರೊಂದಿಗೆ ಶಾಮೀಲಾಗಿ ನಮಗೆ ಮಾನಸಿಕವಾಗಿ ತೊಂದರೆ ಕೊಟ್ಟಿದ್ದಾರೆ. ಅಲ್ಲಿ ಅವೈಜ್ಞಾನಿಕವಾಗಿ ಕಲ್ಲು ಕ್ವಾರೆ ನಡೆಯುತ್ತಿರುವುದು ಸತ್ಯ ಆದರೆ ನಾನು ಸಾಮಾನ್ಯ ನಾದ ಕಾರಣ ಇದರ ವಿರುದ್ದ ಹೋರಾಟ ಮಾಡಲು ಆಗಲಿಲ್ಲ. ಆದ್ದರಿಂದ ಸುಮ್ಮನಿದ್ದೇನೆ, ಗ್ರಾಮ ಪಂಚಾಯಿತಿಯಲ್ಲಿ ಅಧಿಕಾರಿಗಳು ಕೇವಲ ಹಣಕ್ಕೆ ಮಾತ್ರ ಸೀಮಿತವಾಗಿದ್ದು, ಜನಪರ ಕೆಲಸಗಳಿಗೆ ಅವರು ಕೈಗೆ ಸಿಗುವುದಿಲ್ಲ. ಇಂತಹ ಭ್ರಷ್ಟ ವ್ಯವಸ್ಥೆಯಲ್ಲಿ ನಾನು ಗ್ರಾಮ ಪಂಚಾಯಿತಿ ಸದಸ್ಯನಾಗಿರುವುದು ನನಗೆ ತುಂಬಾ ನೋವಾಗುತ್ತಿದೆ.
