ದೇವರ ಸಾಕ್ಷಿಯಾಗಿ ಪ್ರಮಾಣ ಮಾಡಲು ಸಿದ್ಧರಿದ್ದೇವೆ, ಚಂದ್ರಬಾಬು ರೆಡಿನಾ? ತಿರುಪತಿ ಲಡ್ಡಿಗೆ ಪ್ರಾಣಿ ಕೊಬ್ಬು ಬಳಕೆ ಆರೋಪಕ್ಕೆ ಸುಬ್ಬಾ ರೆಡ್ಡಿ ತಿರುಗೇಟು

ಆಂಧ್ರಪ್ರದೇಶ:  ತಿರುಮಲ ಲಡ್ಡು ಮತ್ತು ಪ್ರಸಾದವನ್ನು ಪವಿತ್ರವೆಂದು ಪರಿಗಣಿಸಲಾಗಿದೆ. ಹೀಗೆ ವಿಶೇಷವಾಗಿರುವ ಲಡ್ಡೂ, ಪ್ರಸಾದ ತಯಾರಿಕೆಯಲ್ಲಿ ಪ್ರಾಣಿಗಳ ಕೊಬ್ಬನ್ನು ಬಳಸಲಾಗುತ್ತಿದೆ ಎಂದು ಸಿಎಂ ಚಂದ್ರಬಾಬು ನಾಯ್ಡು ಅವರು ಲಡ್ಡು ತಯಾರಿಸಲು ಬಳಸುವ ಸಂಚಲನದ ಆರೋಪಗಳನ್ನು ಮಾಡಿದ್ದಾರೆ. ಈ ಕುರಿತಾಗಿ ಚಂದ್ರಬಾಬು ನಮಾಯ್ಡು ಅವರ ಆರೋಪವನ್ನು ವೈಎಸ್​​ಆರ್​ಸಿಪಿ ಹಿರಿಯ ನಾಯಕ ಹಾಗೂ ಟಿಟಿಡಿ ಮಾಜಿ ಮುಖ್ಯಸ್ಥ ಸುಬ್ಬಾ ರೆಡ್ಡಿ ಅವರು ಅಲ್ಲಗಳೆದಿದ್ದಾರೆ.

ಎಪಿಯಲ್ಲಿ ಎನ್‌ಡಿಎ ಸಮ್ಮಿಶ್ರ ಸರ್ಕಾರ ರಚನೆಯಾಗಿ 100 ದಿನ ಪೂರೈಸಿದ ಹಿನ್ನೆಲೆಯಲ್ಲಿ ಈ ಸಭೆ ನಡೆದಿದೆ. ಈ ಸಂದರ್ಭದಲ್ಲಿ ಮಾತನಾಡಿದ ಚಂದ್ರಬಾಬು,  ಹಿಂದಿನ ವೈಎಸ್‌ಆರ್‌ಸಿಪಿ ಸರ್ಕಾರದಿಂದ ತಿರುಮಲ ಅಪವಿತ್ರಗೊಂಡಿದೆ. ಕೊನೆಗೆ ತಿರುಮಲ ಲಡ್ಡು ಪ್ರಸಾದದಲ್ಲೂ ಕಲಬೆರಕೆ ನಡೆದಿದ್ದು, ಲಡ್ಡು ಪ್ರಸಾದದಲ್ಲಿ ಪ್ರಾಣಿಗಳ ಕೊಬ್ಬನ್ನು ಬೆರೆಸಿದ್ದಾರೆ ಎನ್ನಲಾಗಿದೆ. ವೈಸಿಪಿ ಸರ್ಕಾರ ತಿರುಮಲ ಪ್ರಸಾದದಲ್ಲಿ ಶುದ್ಧ ಹಸುವಿನ ತುಪ್ಪದ ಬದಲು ಪ್ರಾಣಿಗಳ ಕೊಬ್ಬನ್ನು ಬಳಸುತ್ತಿದೆ ಎಂದು ಆರೋಪಿಸಿದರು. ಮೈತ್ರಿಕೂಟ ಅಧಿಕಾರಕ್ಕೆ ಬಂದ ಮೇಲೆ ನಂದಿನಿ ತುಪ್ಪ ಹಾಗೂ ಗುಣಮಟ್ಟದ ಪದಾರ್ಥಗಳನ್ನು ಬಳಸಿ ಲಡ್ಡು ಪ್ರಸಾದ ತಯಾರಿಸಲಾಗಿದೆ ಎಂದಿದ್ದಾರೆ.

ಸುಬ್ಬಾ ರೆಡ್ಡಿ ಅವರು ಟ್ವೀಟ್​​ ಮಾಡಿ, ಚಂದ್ರಬಾಬು ನಾಯ್ಡು ಅವರು ತಿರುಮಲದ ದೈವಿಕ ದೇಗುಲದ ಪಾವಿತ್ರ್ಯತೆ ಹಾಗೂ ನೂರಾರು ಕೋಟಿ ಹಿಂದೂಗಳ ನಂಬಿಕೆಗೆ ಧಕ್ಕೆ ತರುವ ಮೂಲಕ ಮಹಾಪಾಪ ಎಸಗಿದ್ದಾರೆ. ತಿರುಮಲ ಪ್ರಸಾದ್ ಕುರಿತು ಚಂದ್ರಬಾಬು ಮಾಡಿರುವ ಹೇಳಿಕೆ ಅತ್ಯಂತ ಕೆಟ್ಟದ್ದು.. ಮನುಷ್ಯನಾಗಿ ಹುಟ್ಟಿದವರು ಯಾರೂ ಇಂತಹ ಮಾತುಗಳನ್ನಾಡುವುದಿಲ್ಲ.. ಇಂತಹ ಆರೋಪಗಳನ್ನು ಮಾಡುವುದಿಲ್ಲ ಎಂದರು.

ರಾಜಕೀಯ ಲಾಭಕ್ಕಾಗಿ ಏನು ಕೆಟ್ಟದ್ದಕ್ಕೂ ಚಂದ್ರಬಾಬು ಹಿಂಜರಿಯುವುದಿಲ್ಲ ಎಂಬುದು ಮತ್ತೊಮ್ಮೆ ಸಾಬೀತಾಗಿದೆ. ಭಕ್ತರ ನಂಬಿಕೆಯನ್ನು ಬಲಪಡಿಸುವ ಸಲುವಾಗಿ, ಅವರು ಮತ್ತು ಅವರ ಕುಟುಂಬವು ತಿರುಮಲ ಪ್ರಸಾದದ ಸಾಕ್ಷಿಯಾಗಿ ಪ್ರಮಾಣ ಮಾಡಲು ಸಿದ್ಧವಾಗಿದೆ. ಚಂದ್ರಬಾಬು  ಪ್ರಮಾಣ ಮಾಡಲು ರೆಡಿನಾ? ಎಂದು  ಟ್ವೀಟ್​​ ಮಾಡಿದ್ದಾರೆ.

https://www.vijayavani.net/if-you-eat-too-much-salt-in-your-meal-you-will-definitely-get-cancer