ಅಖಿಲೇಶ್ ಪಾಕ್ ಬೆಂಬಲಿಗ, ಯೋಗಿ ಆರೋಪ: ಸಮಾಜವಾದಿ ಪಕ್ಷದ ನಾಯಕ ಅಖಿಲೇಶ್ ಯಾದವ್ ಜಿನ್ಹಾನ ಆರಾಧಕರು. ನಾವು ಸರ್ದಾರ್ ಪಟೇಲರನ್ನು ಆರಾಧಿಸುವವರು. ಪಾಕಿಸ್ತಾನ ಅವರಿಗೆ ಹತ್ತಿರ. ನಾವು ತಾಯಿ ಭಾರತಿಗಾಗಿ ಪ್ರಾಣವನ್ನೇ ಬಲಿದಾನ ಮಾಡುವಂಥವರು ಎಂದು ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ ಹಿಂದಿಯಲ್ಲಿ ಟ್ವೀಟ್ ಮಾಡಿದ್ದಾರೆ. ಸಮಾಜವಾದಿ ಪಕ್ಷದ ಅಧ್ಯಕ್ಷ ಅಖಿಲೇಶ್ ಯಾದವ್ ನವೆಂಬರ್ ತಿಂಗಳಲ್ಲಿ ಸಾರ್ವಜನಿಕ ರ್ಯಾಲಿಯಲ್ಲಿ ಭಾಗವಹಿಸಿದ ವೇಳೆ, ‘ಸರ್ದಾರ್ ಪಟೇಲ್, ಗಾಂಧಿ, ಜಿನ್ಹಾ ಎಲ್ಲರೂ ಒಂದೇ ಕಡೆ ಓದಿದವರು. ಬ್ಯಾರಿಸ್ಟರ್ ಪಡೆದವರು. ಅದೇ ರೀತಿ ಭಾರತ ಸ್ವಾತಂತ್ರ್ಯ ಸಂಗ್ರಾಮದಲ್ಲಿ ಪ್ರಮುಖ ಪಾತ್ರವಹಿಸಿದ್ದರು’ ಎಂದು ಹೇಳಿದ್ದನ್ನು ಇಲ್ಲಿ ನೆನಪಿಸಿಕೊಳ್ಳಬಹುದು.
