ಯೂಟ್ಯೂಬ್​ಗೂ ಭಾರತೀಯನೇ ಸಿಇಒ!

ಬೆಂಗಳೂರು: ದೀರ್ಘಕಾಲದಿಂದ ಯೂಟ್ಯೂಬ್​ ಸಂಸ್ಥೆಯ ಸಿಇಒ (ಮುಖ್ಯ ಕಾರ್ಯನಿರ್ವಾಹಕ) ಆಗಿ ಕೆಲಸ ಮಾಡುತ್ತಿದ್ದ ಸುಸಾನ್ ವೊಜ್ಸಿಕಿ ಗುರುವಾರ (ಫೆ.16) ತಮ್ಮ ಸ್ಥಾನದಿಂದ ಇಳಿದ ನಂತರ ಆ ಸ್ಥಾನಕ್ಕೆ ಭಾರತೀಯ ಮೂಲದ ನೀಲ್ ಮೋಹನ್ ಏರಿದ್ದಾರೆ. ಈ ವೋಜ್ಸಿಕಿ ಯಾರು ಎಂದು ತಿಳಿದರೆ ನಿಮಗೆ ಅಚ್ಚರಿ ಆಗಬಹುದು. ಅವರ ಗ್ಯಾರೇಜ್‌ನಲ್ಲೇ ಯೂಟ್ಯೂಬ್‌ನ ಮಾತೃ ಕಂಪನಿಯಾದ ಗೂಗಲ್ ಮೊದಲು ಕೆಲಸ ಮಾಡಲು ಪ್ರಾರಂಭಿಸಿದ್ದು!

ಆನ್‌ಲೈನ್‌ನಲ್ಲಿ ಮಾಹಿತಿಯನ್ನು ಹುಡುಕುವ ವಿಚಾರವೇ ChatGPT ನಂತಹ AI ಚಾಟ್‌ಬಾಟ್‌ಗಳಿಂದಾಗಿ ಉತ್ಸುಕವಾಗಿದ್ದು ಯೂಟ್ಯೂಬ್​ಗೆ ಟಿಕ್​ಟಾಕ್​ ಇನ್​ಸ್ಟಾಗ್ರಾಂ ಕೂಡ ತೀವ್ರವಾಗಿ ಸ್ಪರ್ಧೆ ಒಡ್ಡುತ್ತಿದೆ.

ಯೂಟ್ಯೂಬ್​​ನ ಮಾಜಿ ಸಿಇಒ ವೋಜ್ಸಿಕಿಯನ್ನು ಉದ್ದೇಶಿಸಿ ನೀಲ್​ ಮೋಹನ್ ಟ್ವಿಟರ್‌ನಲ್ಲಿ “ಅನೇಕ ವರ್ಷಗಳಿಂದ ನಿಮ್ಮೊಂದಿಗೆ ಕೆಲಸ ಮಾಡಿದ ಅನುಭವ ಅದ್ಭುತವಾಗಿತ್ತು. ಕ್ರಿಯೇಟರ್​ಗಳಿಗೆ ಮತ್ತು ವೀಕ್ಷಕರಿಗಾಗಿ ನೀವು ಯೂಟ್ಯೂಬ್​ ಅನ್ನು ಅಸಾಮಾನ್ಯ ಪ್ಲಾಟ್​ಫಾರ್ಮ್​ ಆಗಿ ನಿರ್ಮಿಸಿರುವಿರಿ. ಈ ಅದ್ಭುತ ಮತ್ತು ಪ್ರಮುಖ ಮಿಷನ್ ಅನ್ನು ಮುಂದುವರಿಸಲು ನಾನು ಉತ್ಸುಕನಾಗಿದ್ದೇನೆ. ಮುಂದೆ ಏನಾಗುತ್ತದೆ ಎಂದು ಎದುರು ನೋಡುತ್ತಿದ್ದೇನೆ” ಎಂದು ಬರೆದಿದ್ದಾರೆ.

ಯಾರು ಈ ನೀಲ್ ಮೋಹನ್?
ಸ್ಟ್ಯಾನ್‌ಫೋರ್ಡ್ ಪದವೀಧರರಾದ ನೀಲ್ ಮೋಹನ್ 2008ರಲ್ಲಿ Google ಗೆ ಸೇರಿದ್ದರು. ಆಗಿನಿಂದ ಯೂಟ್ಯೂಬ್ ಶಾರ್ಟ್ಸ್ ಮತ್ತು ಯೂಟ್ಯೂಬ್​ ಮ್ಯೂಸಿಕ್​ನಲ್ಲಿ ತೊಡಗಿಸಿಕೊಂಡಿರುವ ಮುಖ್ಯ ಪ್ರಾಡಕ್ಟ್​ ಅಧಿಕಾರಿಯಾಗಿದ್ದಾರೆ. ಅವರು ಈ ಹಿಂದೆ ಮೈಕ್ರೋಸಾಫ್ಟ್‌ನೊಂದಿಗೆ ಕೆಲಸ ಮಾಡಿದ್ದರು. ವೈಯಕ್ತಿಕ ಸ್ಟೈಲಿಂಗ್ ಕಂಪನಿಯಾದ ಸ್ಟಿಚ್ ಫಿಕ್ಸ್ ಮತ್ತು ಜಿನೋಮಿಕ್ಸ್ ಮತ್ತು ಬಯೋಟೆಕ್ನಾಲಜಿ ಕಂಪನಿ 23andMe ಮಂಡಳಿಯಲ್ಲಿ ಕುಳಿತಿದ್ದಾರೆ. ಅವರು ಕೌನ್ಸಿಲ್ ಆನ್ ಫಾರಿನ್ ರಿಲೇಶನ್ಸ್, ಸ್ವತಂತ್ರ US ಥಿಂಕ್ ಟ್ಯಾಂಕ್ ಸದಸ್ಯರೂ ಆಗಿದ್ದಾರೆ.

2013 ರ ಬ್ಯುಸಿನೆಸ್ ಇನ್‌ಸೈಡರ್ ವರದಿಯ ಪ್ರಕಾರ, ಅವರಿಗೆ ಒಮ್ಮೆ ಟ್ವಿಟರ್‌ನಲ್ಲಿ ಮುಖ್ಯ ಪ್ರಾಡಕ್ಟ್​ ಅಧಿಕಾರಿ ಸ್ಥಾನವನ್ನು ನೀಡಲಾಯಿತು. ಆದರೆ ಅವರನ್ನು ಉಳಿಸಿಕೊಳ್ಳಲು ಗೂಗಲ್ ಸುಮಾರು 10 ಕೋಟಿ ರೂ. ಖರ್ಚು ಮಾಡಿದೆ.

ಭಾರತೀಯ ಮೂಲದ ಮೋಹನ್, ಮೈಕ್ರೋಸಾಫ್ಟ್ ಸಿಇಒ ಸತ್ಯ ನಾಡೆಲ್ಲಾ, ಅಡೋಬ್ ಸಿಇಒ ಶಾಂತನು ನಾರಾಯಣ್ ಮತ್ತು ಆಲ್ಫಾಬೆಟ್ ಸಿಇಒ ಸುಂದರ್ ಪಿಚೈ ಸೇರಿದಂತೆ ಇತರ ಜಾಗತಿಕ ಟೆಕ್ ದೈತ್ಯರನ್ನು ಮುನ್ನಡೆಸುತ್ತಿರುವ ಇತರ ಸಿಇಒಗಳಲ್ಲಿ ಒಬ್ಬರು. ಇವರು ಸ್ವಲ್ಪ ತಡವಾಗಿ ಇತರ ಐಕಾನಿಕ್ ಯುಎಸ್ ಕಂಪನಿಗಳ ನೇತೃತ್ವವನ್ನು ವಹಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/man-dies-with-grief-of-not-having-children/

https://www.vijayavani.net/cm-bommai-tries-to-attract-voters-through-budget/

https://www.vijayavani.net/loan-facilities-to-farmers-in-karnataka-budget/