ಯೂಟ್ಯೂಬ್​ ಸರ್ವರ್​ ಡೌನ್​​​; ಬಳಕೆದಾರರು, ​​ಕಂಟೆಂಟ್​​ ಕ್ರಿಯೆಟರ್​ಗಳಿಗೆ​ ಸಮಸ್ಯೆ

ನವದೆಹಲಿ:ಜನಪ್ರಿಯ ವಿಡಿಯೋ ಸ್ಟ್ರೀಮಿಂಗ್ ತಾಣಗಳಲ್ಲಿ ಒಂದಾಗಿರುವ ಯೂಟ್ಯೂಬ್​ನಲ್ಲಿ ಇಂದು ತಾಂತ್ರಿಕ ಸಮಸ್ಯೆ ಕಾಣಿಸಿಕೊಂಡಿದೆ. ಎಲ್ಲೆಡೆ ಯೂಟ್ಯೂಬ್​​ ಸರ್ವರ್​ ಡೌನ್​​​ ಆಗಿದ್ದು, ಬಳಕೆದಾರರು ಹಾಗೂ ಕಂಟೆಂಟ್​​ ಕ್ರಿಯೆಟರ್​ಗಳಿಗೆ​ ಅಡಚಣೆ ಉಂಟಾಗಿದೆ.

ಇಂದು ಜಗತ್ತಿನಾದ್ಯಂತ YouTube ಬಳಕೆದಾರರು ಹಾಗೂ ಕಂಟೆಂಟ್​​ ಕ್ರಿಯೆಟರ್​ಗಳಿಗೆ​ ವಿಡಿಯೋ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್ ಅನ್ನು ಪ್ರವೇಶಿಸಲು ಸಾಧ್ಯವಾಗಿಲ್ಲ. ಬಳಕೆದಾರರು ಯೂಟ್ಯೂಬ್​ಗೆ ಪ್ರವೇಶಿಸಲು, ವಿಡಿಯೋಗಳನ್ನು ವೀಕ್ಷಿಸಲು ಮತ್ತು ವಿಷಯವನ್ನು ಅಪ್‌ಲೋಡ್ ಮಾಡುವಲ್ಲಿ ಕೆಲವು ಸಮಯ ಸಮಸ್ಯೆಯನ್ನು ಎದುರಿಸಿದ್ದಾರೆ.

ಯೂಟ್ಯೂಬ್​ ಸರ್ವರ್​ ಡೌನ್​​​ ಆಗಿರುವ ಕುರಿತಾಗಿ ನೆಟ್ಟಿಗರು ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ನನ್ನ ಖಾತೆಯಲ್ಲಿ ವಿಡಿಯೋ ಹಂಚಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ನನಗೆ ವಿಡಿಯೋಗಳನ್ನು ವೀಕ್ಷಿಸಲು ಆಗುತ್ತಿಲ್ಲ ಎಂದು ಟ್ವೀಟ್​​ ಮಾಡಿದ್ದಾರೆ. ಈ ಕುರಿತಾಗಿ ಯೂಟ್ಯೂಬ್​ ಕಂಪನಿಯು ಟ್ವೀಟ್​​ ಮಾಡಿ ಸ್ಪಷ್ಟನೆ ನೀಡಿದೆ.

ಯೂಟ್ಯೂಬ್ ಅಧಿಕೃತ ಖಾತೆ ಮೂಲಕವಾಗಿ ಕಂಪನಿ, "ಯೂಟ್ಯೂಬ್​ ಬಳಕೆದಾರರು ಹಾಗೂ ಕಂಟೆಂಟ್​​ ಕ್ರಿಯೆಟರ್​ಗಳು ವಿಡಿಯೋ ಅಪ್‌ಲೋಡ್ ಮಾಡಲು ಅಥವಾ ಯೂಟ್ಯೂಬ್​​ ವೀಕ್ಷಿಸಲು ತೊಂದರೆಗಳನ್ನು ಎದುರಿಸುತ್ತಿದ್ದಾರೆ ಎಂದು ನಮಗೆ ತಿಳಿದಿದೆ. ನಮ್ಮ ತಂಡವು ಪ್ರಸ್ತುತ ಸರಿಪಡಿಸುವಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಹೆಚ್ಚಿನ ಮಾಹಿತಿಗಾಗಿ ನೀವು ಈ ಲಿಂಕ್​​ ಅನುಸರಿಸಬಹುದು" ಎಂದು ಹೇಳಿದೆ.

https://www.vijayavani.net/pratap-simha-said-please-forgive-us