ಬಿಜೆಪಿ ಸಮಾವೇಶಕ್ಕೆ ಬಂದು ಸಾವಿಗೀಡಾದ ಯುವಕ; ಶವಕ್ಕಾಗಿ ಇನ್ನೂ ಹುಡುಕಾಟ..

ಬಳ್ಳಾರಿ: ಸ್ವಾತಂತ್ರ್ಯದ ಅಮೃತ ಮಹೋತ್ಸವದ ಪ್ರಯುಕ್ತ ಕಾಂಗ್ರೆಸ್ ಆಯೋಜನೆ ಮಾಡಿದ್ದ ಪಾದಯಾತ್ರೆಗೆ ತೆರಳಿದ್ದ ವ್ಯಕ್ತಿ ಅನಾಥ ಶವವಾಗಿ ಪತ್ತೆಯಾಗಿದ್ದ. ಅಂಥದ್ದೇ ಒಂದು ಪ್ರಕರಣ ಇದೀಗ ಬಿಜೆಪಿ ಸಮಾವೇಶ ಸಂದರ್ಭದಲ್ಲಿ ಸಂಭವಿಸಿದೆ. ಬಿಜೆಪಿಯ ಎಸ್​ಸಿ-ಎಸ್​ಟಿ ಸಮಾವೇಶಕ್ಕೆ ಬಂದಿದ್ದ ಯುವಕನೊಬ್ಬ ನೀರುಪಾಲಾಗಿದ್ದಾನೆ.

ಚಿತ್ರದುರ್ಗ ಜಿಲ್ಲೆಯ ಚಳ್ಳಕೆರಿ ತಾಲೂಕಿನ ಗೌರಿಪುರ ಗ್ರಾಮದ ಉಮಾಪತಿ (26) ಸಾವಿಗೀಡಾದ ಯುವಕ. ಬಳ್ಳಾರಿಯಲ್ಲಿ ನಡೆದ ಬಿಜೆಪಿಯ ಎಸ್​ಸಿ-ಎಸ್​ಟಿ ಸಮಾವೇಶಕ್ಕೆ ಬಂದಿದ್ದ ಈತ, ವೇದಿಕೆಯ ಹಿಂಭಾಗದ ಬಳಿ ಇರುವ ಕಾಲುವೆಯಲ್ಲಿ ಬಿದ್ದು ಮೃತಪಟ್ಟಿದ್ದಾನೆ.

ಇದನ್ನೂ ಓದಿ: ಕಾಂಗ್ರೆಸ್ ಪಾದಯಾತ್ರೆಗೆ ತೆರಳಿದ್ದ ವ್ಯಕ್ತಿ ಅನಾಥ ಶವವಾಗಿ ಪತ್ತೆ!; ಪೊಲೀಸರಿಂದ ಅಂತ್ಯಕ್ರಿಯೆ..

ಇಲ್ಲಿನ ಗೌತಮನಗರ ಸಮೀಪದ ಹೆಚ್​ಎಲ್​ಸಿ ಕಾಲುವೆಯಲ್ಲಿ ಕಾಲು ತೊಳೆದುಕೊಳ್ಳುವಾಗ ಆಯತಪ್ಪಿ ಬಿದ್ದಿದ್ದಾನೆ. ಕಾಲುವೆಯಲ್ಲಿ ಬಿದ್ದಿರುವ ಈತ ಕಾಣದಂತಾಗಿದ್ದು, ಯುವಕನ ಶವಕ್ಕಾಗಿ ಹುಡುಕಾಟ ಆರಂಭವಾಗಿದೆ. ಬಳ್ಳಾರಿ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

https://www.vijayavani.net/woman-died-due-to-wild-elephant-public-assault-on-mla/

https://www.vijayavani.net/man-missing-after-1999-odisha-super-cyclone-reunited-with-family/