ಗುರುಗಳು ಕೇಳಿದರು: ನರೇಂದ್ರ ಈ ಮಣ್ಣು ತರಲು ಸ್ವರ್ಗಕ್ಕೆ ಹೋಗಿದ್ದೆಯಾ?. ನರೇಂದ್ರ ಉತ್ತರಿಸಿ, ‘ಗುರುಗಳೇ, ನನಗೆ ನನ್ನ ತಾಯಿಯೇ ಸ್ವರ್ಗ. ಅವಳ ಪಾದದಡಿಯ ಮಣ್ಣು ತಂದಿದ್ದೇನೆ. ತಾಯಿಗಿಂತ ಸ್ವರ್ಗ ಬೇರೆ ಇಲ್ಲ’ ಎಂದಾಗ ಗುರುಗಳ ಕಣ್ಣುಗಳು ಹನಿಗೂಡಿದವಂತೆ. ತಂದೆ-ತಾಯಿಗಳು ಅಗಲಿದ ಬಳಿಕ ಊರಿಗೆಲ್ಲಾ ಊಟ ಹಾಕಿ ಪೋಟೋಕ್ಕೆ ಹೂಹಾರ ಹಾಕಿದರೆ ತಂದೆ-ತಾಯಿಗಳ ಕೃಪೆ ಆಗಬಹುದೇ? ನೀರಿಗೆ ನೀರು ಕುಡಿಸಿದರೆ, ಭೂಮಿಗೆ ಮಣ್ಣು ಹೊತ್ತರೆ, ಬೆಟ್ಟಕ್ಕೆ ಕಲ್ಲು ಹೊದಿಸಿದರೆ ಪ್ರಯೋಜನವೇನು?. ಜೀವಂತ ದೇವರನ್ನು ತಿರಸ್ಕರಿಸಿ ಅವರನ್ನು ನರಳುವಂತೆ ಮಾಡಿ, ಕಲ್ಲುದೇವರಿಗೆ ಕೈಮುಗಿದರೆ ಬಂತೇನು? ಕೇವಲ ಆಸ್ತಿಗೆ ಮಗನಾಗದೇ, ಆಶ್ರಯಕ್ಕೆ ಮಗನಾದರೆ ಹೆತ್ತವರ ಋಣ ಭಾರದಿಂದ ಮುಕ್ತನಾಗಲು ಸಾಧ್ಯ.
