‘ಶ್ರೀರಾಮ! ಈ ಪಂಚತನ್ಮಾತ್ರೆಗಳು ಪರಬ್ರಹ್ಮಕ್ಕಿಂತ ಬೇರೆಯಲ್ಲ ಎಂದು ತಿಳಿದ ನಂತರ, ಅದೇ ತಿಳಿವಳಿಕೆಯಿಂದಲೇ ಸ್ಥೂಲಮಹಾಭೂತಗಳ ಪ್ರಪಂಚವನ್ನು ಅರ್ಥಮಾಡಿಕೊಳ್ಳಬೇಕು. ಆಗ ಕಾರಣಕ್ಕಿಂತ ಕಾರ್ಯ ಬೇರೆಯಲ್ಲ ಎಂಬ ನ್ಯಾಯವು ಸ್ಥೂಲಪ್ರಪಂಚಕ್ಕೂ ಅನ್ವಯಿಸುವುದು ಗೊತ್ತಾಗುತ್ತದೆ. ಕಾರಣಕ್ಕಿಂತ ಕಾರ್ಯವು ಬೇರೆಯಾಗಿಲ್ಲದಿರುವಿಕೆಯೇ ಕಾರಣ-ಕಾರ್ಯಗಳ ಐಕ್ಯ. ಕಾರಣ-ಕಾರ್ಯಗಳ ಐಕ್ಯವು ಬ್ರಹ್ಮ ಮತ್ತು ಪಂಚತನ್ಮಾತ್ರೆಗಳಲ್ಲಿ ಹೇಗಿದೆಯೋ ಹಾಗೆಯೇ ಪಂಚತನ್ಮಾತ್ರೆಗಳು ಮತ್ತು ಸ್ಥೂಲಗಳಲ್ಲಿಯೂ ಇದೆ. ಅಂದರೆ, ಹೇಗೆ ಪಂಚತನ್ಮಾತ್ರೆಗಳು ಬ್ರಹ್ಮಕ್ಕಿಂತ ಬೇರೆಯಲ್ಲವೋ ಹಾಗೆ ಸ್ಥೂಲಪ್ರಪಂಚವು ಪಂಚತನ್ಮಾತ್ರೆಗಳಿಗಿಂತ ಬೇರೆಯಲ್ಲ. ಯಾಕೆಂದರೆ ಕಾರಣಕ್ಕಿಂತ ಕಾರ್ಯ ಬೇರೆಯಾಗಿಲ್ಲ. ಈಗ
