ಥೈರಾಯ್ಡ್​ ಗ್ರಂಥಿಯ ಆರೋಗ್ಯಕ್ಕೆ ಯೋಗ, ಮುದ್ರೆಗಳು

ಥೈರಾಯ್್ಡ ಗ್ರಂಥಿಯು ಗಂಟಲಿನ ಸಣ್ಣ ಗ್ರಂಥಿಯಾಗಿದ್ದು ಅದು ಹಾರ್ವೇನುಗಳನ್ನು ಸ್ರವಿಸುತ್ತದೆ. ಈ ಹಾಮೋನುಗಳು ದೇಹದ ಬೆಳವಣಿಗೆ, ಉಷ್ಣತೆಯನ್ನು ಕಾಪಾಡುವುದು, ದೇಹದ ಅಂಗಾಂಶಗಳಿಗೆ ರಕ್ತಪರಿಚಲನೆ ಇತ್ಯಾದಿ ಕೆಲಸ ಕಾರ್ಯಗಳನ್ನು ನಿರ್ವಹಿಸುತ್ತವೆ. ಮಿದುಳಿನಲ್ಲಿರುವ ಪಿಟ್ಯುಟರಿ ಗ್ರಂಥಿ ಥೈರಾಯ್ಡ್​ ಗ್ರಂಥಿಯನ್ನು ನಿಯಂತ್ರಿಸುತ್ತದೆ. ಒಬ್ಬ ವ್ಯಕ್ತಿಗೆ ಥೈರಾಯ್ಡ್​ ಸಮಸ್ಯೆ ಇದ್ದಾಗ, ಅದು ಅವರ ದೈಹಿಕ ಮತ್ತು ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಒತ್ತಡವು ಹೆಚ್ಚಾಗುವುದು ಥೈರಾಯ್್ಡ ಸಮಸ್ಯೆಗಳಿಗೆ ಸಂಬಂಧಿಸಿದೆ. ಈ ಕಾರಣಕ್ಕಾಗಿ, ಯೋಗವು ಥೈರಾಯ್್ಡ ಆರೋಗ್ಯ ಸಮಸ್ಯೆಗಳಿಗೆ ಪ್ರಯೋಜನಕಾರಿಯಾಗಿದೆ.

ಥೈರಾಯ್ಡ್​ ಗ್ರಂಥಿಯ ಮೇಲೆ ಪರಿಣಾಮ ಬೀರುವ ಎರಡು ಸಾಮಾನ್ಯ ಪರಿಸ್ಥಿತಿಗಳು ಹೀಗಿವೆ : ಹೈಪರ್ ಥೈರಾಯ್ಡಿಸಮ್ ಥೈರಾಯ್ಡ್​ ಗ್ರಂಥಿಯು ಹೆಚ್ಚಿನ ಪ್ರಮಾಣದ ಥೈರಾಯ್್ಡ ಹಾರ್ವೇನುಗಳನ್ನು ಉತ್ಪಾದಿಸಿ ದಾಗ ಇದು ಸಂಭವಿಸುತ್ತದೆ. ಹೈಪರ್ ಥೈರಾಯ್ಡಿಸಮ್ ಮೂಲ ಕಾರಣ ವೇನೆಂದರೆ ಗ್ರೇವ್ಸ್ ಕಾಯಿಲೆ ಅಥವಾ ಅತಿಯಾದ ಥೈರಾಯ್ಡ್​ ಹೈಪೋಥೈರಾಯ್ಡಿಸಮ್ ಇದು ಥೈರಾಯ್ಡ್​ ಹಾರ್ವೇನ್ ಉತ್ಪಾದನೆಯು ತುಂಬಾ ಕಡಿಮೆಯಾದಾಗ, ಥೈರಾಯ್್ಡ ಗ್ರಂಥಿಯನ್ನು ಹಾನಿಗೊಳಗಾದ ಸ್ವಯಂ ನಿರೋಧಕ ಕಾಯಿಲೆಯಿಂದ ಸಂಭವಿಸುತ್ತದೆ.

ಯೋಗಾಭ್ಯಾಸದಿಂದ ಪರಿಣಾಮಕಾರಿ ಯಾಗಿ ನಿಭಾಯಿಸ ಬಹುದಾದ ಜೀವನಶೈಲಿಯ ಅಸ್ವಸ್ಥತೆಗಳಲ್ಲಿ ಥೈರಾಯ್ಡ್​ ಕೂಡ ಒಂದು. ಥೈರಾಯ್ಡ್​ ಸಮಸ್ಯೆಯ ನಿಯಂತ್ರಣಕ್ಕೆ ನಮ್ಮ ಭಾರತೀಯ ಸಂಸ್ಕೃತಿಯ ಯೋಗ, ವ್ಯಾಯಾಮ, ಮುದ್ರೆಗಳು, ಚಕ್ರ, ಬಣ್ಣಗಳ ಚಿಕಿತ್ಸೆ, ಧ್ಯಾನ ಸಹಕಾರಿಯಾಗುತ್ತದೆ. ಇದರಿಂದ ಥೈರಾಯ್ಡ್​ ಗ್ರಂಥಿಯ ಆರೋಗ್ಯ ವರ್ಧನೆಯಾಗುವುದು ಸಮರ್ಪಕವಾಗಿ ಹಾಮೋನು ಗಳನ್ನು ಸ್ರವಿಸುತ್ತದೆ. ಥೈರಾಯ್ಡ್​ ನಿಯಂತ್ರಣಕ್ಕಾಗಿ ಔಷಧಿ ಮತ್ತು ಕೆಲವು ವ್ಯಾಯಾಮಗಳ ಜೊತೆಯಲ್ಲಿ ಯೋಗವು ಪರ್ಯಾಯ ಚಿಕಿತ್ಸೆಯ ಒಂದು ಭಾಗವಾಗಿದೆ. ಥೈರಾಯ್ಡ್​ ಕಾಯಿಲೆಗಳ ನಿರ್ವಹಣೆಯಲ್ಲಿ ಇದು ದೀರ್ಘಕಾಲೀನ ಪ್ರಯೋಜನವನ್ನು ಹೊಂದಿದೆ.

ಯೋಗಗಳಾವವು?: ಪ್ರಾರ್ಥನೆ, ಧ್ಯಾನ, ಕೆಲವು ಸೂಕ್ಷ್ಮ ವ್ಯಾಯಾಮಗಳು. ಓಂಕಾರ, ಜಾಲಂದರ ಬಂಧ, ಕಪಾಲಬಾತಿ ಕ್ರಿಯೆ, ಸೂರ್ಯ ನಮಸ್ಕಾರ (ನೆಕ್ ರೋಟೇಶನ್) ಕುತ್ತಿಗೆಯ ವ್ಯಾಯಾಮ ಮಾಡುವುದರಿಂದ ಥೈರಾಯ್ಡ್​ ಗ್ರಂಥಿಯ ಕೆಲಸ ಕಾರ್ಯ ಸಮರ್ಪಕವಾಗಿ ನಿರ್ವಹಣೆಯಾಗುತ್ತದೆ.

ಪ್ರಮುಖ ಯೋಗಾಸನಗಳ ಪಟ್ಟಿ: ಅರ್ಧ ಚಕ್ರಾಸನ, ಮತ್ಸಾ್ಯಸನ, ಪರ್ಯಂಕಾಸನ, ಉಷ್ಮಾಸನ, ಸೇತುಬಂಧ ಸರ್ವಾಂಗಾಸನ, ಸರ್ವಾಂಗಾಸನ, ಹಲಾಸನ, ಭುಜಂಗಾಸನ ಸಿಂಹಾಸನ, ಸುಪ್ತ ವೀರಾಸನ, ಅರ್ಧಮತ್ಸೇಂದ್ರಾಸನ, ಧನುರಾಸನ ಊರ್ಧ್ವ ಧನುರಾಸನ, ಸಾಧ್ಯವಾದರೆ ಶಿರ್ಷಾಸನ ಇತ್ಯಾದಿ ಆಸನಗಳು ಮತ್ತು ಕೊನೆಯಲ್ಲಿ ಶವಾಸನ.

ಪ್ರಾಣಾಯಾಮಗಳು: ಭ್ರಾಮರಿ ಪ್ರಾಣಾಯಾಮ, ಉಜ್ಜಿಯೀ ಪ್ರಾಣಾಯಾಮ, ನಾಡೀ ಶುದ್ಧಿ ಪ್ರಾಣಾಯಾಮ, ಹೈಪೋಥೈರಾಯ್ಡ್​​ನ ಸಮಸ್ಯೆ ಇದ್ದವರು ಸೂರ್ಯ ಭೇದನ, ಭಸ್ತ್ರಿಕಾ ಪ್ರಾಣಾಯಾಮ, ಹೈಪರ್ ಥೈರಾಯ್ಡ್​ ಸಮಸ್ಯೆ ಇದ್ದವರು, ಶೀತಲೀ ಸಿತ್ಕಾರಿ ಪ್ರಾಣಯಾಮ ಮತ್ತು ಉಸಿರನ್ನು ಗಮನಿಸುವ ಸರಳ ಧ್ಯಾನ ಮಾಡಿ (ಸ್ವಲ್ಪ ಹೊತ್ತು)

ಮುದ್ರೆಗಳು: ಪ್ರಾಣಮುದ್ರೆ, 10 ನಿಮಿಷ, ಶಂಖಮುದ್ರೆ (15 ನಿಮಿಷದಂತೆ 2 ಬಾರಿ, ಸೂರ್ಯಮುದ್ರೆ 20 ನಿಮಿಷ) ಜ್ಞಾನ ಮುದ್ರೆ 10 ರಿಂದ 20 ನಿಮಿಷ. ಶೂನ್ಯ ಮುದ್ರೆ 20 ನಿಮಿಷ.

ಬಣ್ಣಗಳ ಚಿಕಿತ್ಸೆ: ಕೆಂಪುಬಣ್ಣ, ಆರೆಂಜ್ ಬಣ್ಣ ಹಾಗೂ ಪ್ರಮುಖವಾಗಿ ನೀಲಿ ಬಣ್ಣಗಳನ್ನು ತಲಾ 10 ನಿಮಿಷ ನೋಡುತ್ತಿರಿ. ಬಣ್ಣಗಳನ್ನು ನೋಡಿದಾಗ ಕಣ್ಣು ಹೀರುತ್ತದೆ, ಚರ್ಮ ಹೀರುತ್ತದೆ, ಮನಸ್ಸು ಹೀರುತ್ತದೆ (ಹೀಲಿಂಗ್​ಗೆ ಸಹಕಾರಿ) ಗ್ರಂಥಿಗಳ ಕಾರ್ಯನಿರ್ವಹಣೆಗೆ ಹಾಗೂ ಬಣ್ಣಗಳು ಮನಶ್ಶಾಂತಿಗೆ ಸಹಕಾರಿಯಾಗಿರುತ್ತದೆ. ಥೈರಾಯ್್ಡ ಸಮಸ್ಯೆ ಇದ್ದವರು ವೈದ್ಯರಿಂದ ಅಗತ್ಯದ ಉಪಚಾರವನ್ನು ಪಡೆಯಿರಿ. ಯೋಗವನ್ನು ಗುರುಮುಖೇನ ಕಲಿತು ಅಭ್ಯಾಸ ಮಾಡಿ.

https://www.vijayavani.net/tungabhadra-dam-gate-repair-work-started-dcm-d-k-sivakumar