ವಾವ್​!! ರುಚಿಕರವಾದ ಕುಂಬಳಕಾಯಿ ಬ್ರೆಡ್​ ಈಗಲೇ ಟ್ರೈ ಮಾಡಿ.. | Recipe

Recipe: ಇಂದಿನ ದಿನಗಳಲ್ಲಿ ಮಕ್ಕಳಿಂದ ಹಿಡಿದು ವಯಸ್ಸಾದವರೂ ಕೂಡಾ ಸಿಹಿ ತಿಂಡಿಗಳನ್ನು ಇಷ್ಟಪಡುತ್ತಾರೆ. ಆಹಾರ ಪ್ರಿಯರಿಗೆ ಹಲವಾರು ಖಾದ್ಯದ ಮೇಲೆ ಆಸೆ ಇರುತ್ತದೆ ಆದರೆ ಹೋಗಿ ತರಲು ಸಮಯ ಇರುವುದಿಲ್ಲ. ಇನ್ನು ಕೆಲವರು ಆರೋಗ್ಯಯುತ ಖಾದ್ಯಗಳನ್ನು ತಿನ್ನಲು ಬಯಸುತ್ತಾರೆ. ಅಂತವರಿಗಾಗಿ ಈ ಕುಂಬಳಕಾಯಿ ಬ್ರೆಡ್​.. ನಿಮ್ಮ ಮನೆಯಲ್ಲಿಯೇ ಕೇವಲ 1 ಗಂಟೆಯೊಳಗೆ ಈ ರುಚಿಕರ ಕುಂಬಳಕಾಯಿ ಬ್ರೆಡ್​ ಖಾದ್ಯವನ್ನು ಮಾಡಿಕೊಂಡು ಸೇವಿಸಬಹುದು.. ಹೇಗಂತೀರಾ ಇಲ್ಲಿದೆ ನೋಡಿ ಕುಂಬಳಕಾಯಿ ಬ್ರೆಡ್​ ಈಗಲೇ ಟ್ರೈ ಮಾಡಿ...

ಇದನ್ನೂ ಓದಿ: ಆಗಸ್ಟ್ 16ರಿಂದ 3 ದಿನಗಳ ಕಾಲ ರಾಜಭವನ ವೀಕ್ಷಣೆಗೆ ಸಾರ್ವಜನಿಕರಿಗೆ ಅವಕಾಶ

ಬೇಕಾಗುವ ಪದಾರ್ಥಗಳು

* 3 ಕಪ್​ ಮೈದಾ ಹಿಟ್ಟು

* 1 ಚಮಚ ಉಪ್ಪು

* 1 ಚಮಚ ಬೇಕಿಂಗ್​ ಸೋಡ

* 3 ಮೊಟ್ಟೆಗಳು

* 2 1/4 ಕಪ್​ ಸಕ್ಕರೆ

* 2 ಕಪ್​ ತುರಿದ ಕುಂಬಳಕಾಯಿ

* 1 ಚಮಚ ದಾಲ್ಚಿನ್ನಿಪುಡಿ

* 1/2 ಶುಂಠಿ ಪುಡಿ

* 1/2 ಜಾಯಿಕಾಯಿ ಪುಡಿ

* 1/4 ಲವಂಗ ಪುಡಿ

ಮಾಡುವ ವಿಧಾನ

ಮೊದಲು ಕುಂಬಳಕಾಯಿಯನ್ನು ತುರಿದುಕೊಂಡು ಅದರಲ್ಲಿರುವ ನೀರನ್ನು ಸೋಸಿ ಪಕ್ಕಕಿಟ್ಟುಕೊಳ್ಳಿ, ಸ್ವಲ್ಪ ಕುಂಬಳಕಾಯಿಯನ್ನು ಮಿಕ್ಸಿಗೆ ಹಾಕಿ ತೆಗೆದಿಟ್ಟುಕೊಳ್ಳಿ. ನಂತರ ಒಂದು ಬೌಲ್​ಗೆ ಮೊಟ್ಟೆ, ಸಕ್ಕರೆ ಕುಂಬಳಕಾಯಿ ಮಿಶ್ರಣ ಸ್ವಲ್ಪ ನೀರು ಹಾಕಿ ಮಿಶ್ರಣ ರೆಡಿಮಾಡಿಕೊಳ್ಳಿ, ಅದಕ್ಕೆ ಮೈದಾ ಹಿಟ್ಟು, ಉಪ್ಪು, ಬೇಕಿಂಗ್ ಸೋಡಾ, ದಾಲ್ಚಿನ್ನಿ,ಶುಂಠಿ ,ಜಾಯಿಕಾಯಿ , ಲವಂಗ ಪುಡಿ, ದ್ರಾಕ್ಷಿ, ಗೋಡಂಬಿ, ಸೇರಿಸಿ ಚೆನ್ನಾಗಿ ಕಲಸಿ ನಂತರ ಅದಕ್ಕೆ ತುರಿದಿಟ್ಟಿರುವ ಕುಂಬಳಕಾಯಿ ಸೇರಿಸಿ ಮಿಕ್ಸ್ ಮಾಡಿ ನಂತರ ಓವನ್​ನಲ್ಲಿ 40 ನಿಮಿಷ ಇಟ್ಟು ಬಿಸಿ ಮಾಡಿ.. (ಏಜೆನ್ಸೀಸ್​)