ಹರಾಜಿಗಿದೆ ವಿಶ್ವದ ಅತಿ ದೊಡ್ಡ ಬಿಳಿ ವಜ್ರ ದಿ ರಾಕ್​​: 30ಮಿಲಿಯನ್​ ಡಾಲರ್​ಗೆ ಮಾರಾಟವಾಗುವ ನಿರೀಕ್ಷೆ

ಜಿನೇವಾ: ವಿಶ್ವದ ಅತಿ ದೊಡ್ಡ ದಿ ರಾಕ್​​ ಹೆಸರಿನ ಬಿಳಿ ವಜ್ರವನ್ನು ಮುಂದಿನ ವಾರ ಹರಾಜಿಗಿಡಲು ಸಿದ್ಧತೆ ನಡೆಸಲಾಗಿದೆ. 200 ಕ್ಯಾರೆಟ್​ಗೂ ಅಧಿಕ ತೂಕವಿರುವ ಎರಡು ವಜ್ರದ ದೊಡ್ಡ ಹರಳುಗಳು ಇದರಲ್ಲಿದೆ.

ಗಾಲ್ಫ್​​ ಬಾಲ್​ ಗಾತ್ರವಿರುವ 228.31 ಕ್ಯಾರೆಟ್​ನ ಈ ವಜ್ರವನ್ನು ಸದ್ಯ ಹರಾಜಿಗಿಡಲಾಗುವುದು. ಬರೋಬ್ಬರಿ 30ಮಿಲಿಯನ್​ ಡಾಲರ್​ ಹರಾಜಿಗಿಡಲಾಗಿದೆ ಎಂದು ಹರಾಜುದಾರರು ತಿಳಿಸಿದ್ದಾರೆ.

ಜಿನೇವಾದ ಕ್ರಿಸ್ಟಿ ಆಭರಣ ಸಂಸ್ಥೆ ಬಿಳಿ ವಜ್ರದ ಹರಾಜಿಗಿಡಲು ಸದ್ಯ ಬೆಲೆಯನ್ನು ನಿಗದಿಪಡಿಸಿದೆ. ಇನ್ನು ಹರಾಜು ಪ್ರಕ್ರಿಯೆಯಲ್ಲಿ ಇನ್ನೂ ಹೆಚ್ಚು ಬೆಲೆಗೆ ಮಾರಾಟವಾಗುವ ಸಾಧ್ಯತೆ ಇದೆ ಎಂದು ಹೇಳಿದೆ.

ಇದು ಸಂಪೂರ್ಣವಾಗಿ ಪಿಯರ್​ ಆಕಾರದಲ್ಲಿದ್ದು, ಹರಾಜಿನಲ್ಲಿ ಮಾರಾಟವಾಗುವ ಅಪರೂಪದ ರತ್ನಗಳಲ್ಲಿ ಒಂದಾಗಿದೆ.ದಕ್ಷಿಣ ಆಫ್ರಿಕಾದಲ್ಲಿ ಗಣಿಗಾರಿಕೆ ಮಾಡಲಾದ ದಿ ರಾಕ್​​ ವಜ್ರವು ಹಿಂದಿನ ಮಾಲೀಕರು ನೆಕ್ಲೇಸ್​ ರೂಪದಲ್ಲಿ ಧರಿಸುತ್ತಿದ್ದರು. 2017ರಲ್ಲಿ 163.41 ಕ್ಯಾರೆಟ್​ ಡೈಮಂಡ್​​ ಹರಳುಗಳಲ್ಲಿ ಹರಾಜಿಗಿಡಲಾಗಿತ್ತು.

ಕ್ರಿಸ್ಟಿ ಸಂಸ್ಥೆಯು ಇದನ್ನು 205.07 ಕ್ಯಾರೆಟ್​​ ಗೆ ಅಭಿವೃದ್ಧಿಪಡಿಸಿದೆ. ಇದು 1918ರಲ್ಲಿ ಮೊದಲ ಬಾರಿಗೆ ಮಾರಾಟವಾಗಿತ್ತು. ಲಂಡನ್​ನಲ್ಲಿ ಇದನ್ನು ಹರಾಜಿಗಿಡಲಾಗಿತ್ತು. ಆಗ 10,000 ಪೌಂಡ್​ (12,350ಡಾಲರ್​)ಗೆ ಮಾರಾಟವಾಗಿತ್ತು.

https://www.vijayavani.net/bangalore-governament-hospital-under-of-health-department/

https://www.vijayavani.net/heavy-rain-in-kodagu/