ಮಾಸದ ನಗು, ಬತ್ತದ ಉತ್ಸಾಹ, ನಿರ್ಮಲ ಮನಸ್ಸು, ವಿಶಾಲ ಹೃದಯ, ಅಗಾಧ ಪ್ರೀತಿ,ಯಾವುದಕ್ಕೂ ಆಸೆ ಪಡದ ತೃಪ್ತ ಭಾವ... ನನ್ನ ಅಮ್ಮನ ಬಗ್ಗೆ ಹೇಳಹೋದರೆ ಎಷ್ಟು ಪದಗಳೂ ಸಾಕಾಗದು. ತುಂಬು ಸಂಸಾರದ ನೊಗ ಹೊತ್ತು ಉತ್ತಮ ಸಂಸ್ಕಾರ ನೀಡಿ, ತಿದ್ದಿ ಬುದ್ಧಿ ಹೇಳಿದ ಒಲವಿನ ಅಮ್ಮ ಈಕೆ. ಬಿಡುವಿನ ವೇಳೆಯಲಿ ರಂಗವಲ್ಲಿ,ಹತ್ತಿ-ಬತ್ತಿ, ಹಾಡು-ಹಸೆ-ಚಿತ್ತಾರ,ಕಸೂತಿ.. ಅಟ-ಪಾಠ. ಮನೆಯ ಒಪ್ಪ ಓರಣ, ತಿಂಡಿ-ಊಟ, ಅತಿಥಿ ಸತ್ಕಾರ, ಕಸ, ಮುಸುರೆ, ಪಾತ್ರೆ, ಹಬ್ಬ ಹರಿದಿನಗಳಲ್ಲಿ ಪುರುಸೊತ್ತಿಲ್ಲದ ಕೆಲಸ. ಬಾಯಲ್ಲಿ ನೀರೂರಿಸುವ ಸೆವೆನ್ ಕಪ್, ಅನಾನಸ್ ಕೇಸರಿಬಾತ್, ಸಜ್ಜಿಗೆ, ಮಿಠಾಯಿ, ಮೈಸೂರು ಪಾಕ್, ಅಕ್ಕಿ ಹಲ್ವ, ಗೋಧಿ ಹಲ್ವ, ತರಹೇವಾರಿ ಉಂಡೆಗಳು, ವಿವಿಧ ಬಗೆಯ ಪಾಯಸ....ಓಹ್! ಅನನ್ಯ ಕಾಳಜಿ, ಸರಳತೆ, ಸೌಮ್ಯಸ್ವಭಾವ,ಸ್ಪಂದಿಸುವ ಗುಣ ಇವೆಲ್ಲ ನನಗೆ ಇಂದಿಗೂ ಸ್ಪೂರ್ತಿ.. ಆಕೆ ಸಂಭ್ರಮಿಸದ ದಿನಗಳಿಲ್ಲ. ಈ ಎಲ್ಲ ಮೌಲ್ಯಗಳೇ ಜೀವನದುದ್ದಕ್ಕೂ ನನ್ನ ಕಾಪಾಡುವಲ್ಲಿ ಯಶಸ್ವಿಯಾಗಿವೆ. ವಾಸ್ತವ ಜಗತ್ತಿನಲ್ಲಿ ಬದುಕಲು ಕಲಿಸಿದ ನಿನಗೆ ಅನಂತ ಧನ್ಯವಾದಗಳು...
