ತಲೆ ಮೇಲೇ ಬಿದ್ದ ಇಟ್ಟಿಗೆ, ಕಾರ್ಮಿಕ ಸ್ಥಳದಲ್ಲೇ ಸಾವು

ಆನೇಕಲ್: ಕಟ್ಟಡ ನಿರ್ಮಾಣ ವೇಳೆ ಇಟ್ಟಿಗೆಯೊಂದು ತಲೆ ಮೇಲೇ ಬಿದ್ದ ಪರಿಣಾಮವಾಗಿ ಕಾರ್ಮಿಕನೊಬ್ಬ ಸ್ಥಳದಲ್ಲೇ ಸಾವಿಗೀಡಾಗಿದ್ದಾನೆ. ಬೆಂಗಳೂರು ಹೊರವಲಯದ ಆನೇಕಲ್​ನಲ್ಲಿ ಈ ಪ್ರಕರಣ ನಡೆದಿದೆ.

ಜಾರ್ಖಂಡ್ ಮೂಲದ ಪಂಕಜ್ ಕುಮಾರ್ ಯಾದವ್ (35) ಸಾವಿಗೀಡಾದ ಕಾರ್ಮಿಕ. ಈತ ಚಂದಾಪುರ ಮುಖ್ಯರಸ್ತೆ ಮರಸೂರು ಗೇಟ್ ಕಟ್ಟಡ ನಿರ್ಮಾಣದಲ್ಲಿ ನಿರತನಾಗಿದ್ದಾಗ ಈ ಅವಘಡ ಸಂಭವಿಸಿದೆ.

ಇದನ್ನೂ ಓದಿ: ಒಬ್ಬ ಮಗನ ಚಿಕಿತ್ಸೆಗಾಗಿ ಇನ್ನೊಬ್ಬ ಮಗನನ್ನು ಮಾರಲೆತ್ನಿಸಿದ ತಂದೆ; ಪತಿ ವಿರುದ್ಧ ಪತ್ನಿಯ ದೂರು

ಸಿಪಾನಿ ರಾಯಲ್ ಹೆರಿಟೇಜ್ ಅಪಾರ್ಟ್​ಮೆಂಟ್ ಬಳಿ ಈ ದುರಂತ ಸಂಭವಿಸಿದೆ. ಕಟ್ಟಡ ನಿರ್ಮಾಣ ಸಲುವಾಗಿ ಕ್ರೇನ್ ಮೂಲಕ ಆರನೇ ಅಂತಸ್ತಿಗೆ ಸಾಮಗ್ರಿ ಸಾಗಿಸಲಾಗುತ್ತಿತ್ತು. ಆದರೆ ಈ ಸಂದರ್ಭ ಕ್ರೇನ್ ತಂತಿ ತುಂಡಾಗಿದ್ದು, ಇಟ್ಟಿಗೆಯೊಂದು ಕೆಳಗಿದ್ದ ಕಾರ್ಮಿಕನ ತಲೆ ಮೇಲೆ ಬಿದ್ದಿದೆ. ತಲೆಗೆ ಗಂಭೀರ ಗಾಯವಾಗಿ ಆತ ಸ್ಥಳದಲ್ಲಿಯೇ ಸಾವಿಗೀಡಾಗಿದ್ದಾನೆ. ಸ್ಥಳಕ್ಕೆ ಸೂರ್ಯನಗರ ಪೊಲೀಸರು ಭೇಟಿ ನೀಡಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

https://www.vijayavani.net/congress-people-sent-15-rupees-to-pm-modi-through-money-order

https://www.vijayavani.net/proposal-for-two-major-extensions-in-egg-distribution-to-school-children