ಹೆಣ್ಮಕ್ಕಳೇ ಹುಷಾರ್: ಮಹಿಳೆಯರ ಮೇಲೆ ನಡೆಯುತ್ತಿರುವ ಸೈಬರ್ ಕ್ರೖೆಂ ಪ್ರಕರಣಗಳ ಪೈಕಿ ಮೆಟ್ರೋಪಾಲಿಟನ್ ಸಿಟಿಗಳಲ್ಲಿ ಅಧಿಕ ಕೇಸ್ ದಾಖಕಲಾಗುತ್ತಿದ್ದು, ದೇಶದಲ್ಲೇ ಬೆಂಗಳೂರು ಮೊದಲ ಸ್ಥಾನದಲ್ಲಿದೆ. 2020ರಲ್ಲಿ ರಾಜ್ಯ ರಾಜಧಾನಿಯಲ್ಲಿ 135 ಕೇಸ್ಗಳು ದಾಖಲಾಗಿವೆ. ಲಖನೌ-97, ಚೆನ್ನೈ-80 ನಂತರದ ಸ್ಥಾನಗಳಲ್ಲಿವೆ. ಇದೇ ವರ್ಷ ದೇಶಾದ್ಯಂತ ಒಟ್ಟು 232 ಕೇಸ್ ಬೆಳಕಿಗೆ ಬಂದಿದೆ. ಮಹಿಳೆಯರನ್ನು ಗುರಿಯಾಗಿಸಿ ನಡೆಯುತ್ತಿರುವ ಸೈಬರ್ ಕ್ರೖೆಂಗಳ ಪೈಕಿ ದೇಶದಲ್ಲಿ ಕರ್ನಾಟಕ 5ನೇ ಸ್ಥಾನದಲ್ಲಿದ್ದು, 2020ರಲ್ಲಿ 143 ಕೇಸ್ ದಾಖಲಾಗಿದೆ. ಒಡಿಶಾದಲ್ಲಿ 526 ಕೇಸ್ ದಾಖಲಾಗಿ ಮೊದಲ ಸ್ಥಾನದಲ್ಲಿದ್ದರೆ, ಅಸ್ಸಾಂ-395, ಉತ್ತರ ಪ್ರದೇಶ-338, ತಮಿಳುನಾಡಿನಲ್ಲಿ 198 ಕೇಸ್ ದಾಖಲಾಗಿದೆ. 2018ರಲ್ಲಿ ದೇಶದಲ್ಲಿ ಮಹಿಳೆಯರ ಮೇಲೆ 1,224 ಸೈಬರ್ ಕ್ರೖೆಂ ಪ್ರಕರಣಗಳು ದಾಖಲಾದರೆ, 2019ರಲ್ಲಿ 1,608ಕ್ಕೆ ಏರಿಕೆಯಾಗಿದೆ. 2020ರಲ್ಲಿ 2,302ಕ್ಕೆ ಹೆಚ್ಚಾಗಿದೆ.
