ಬಾಡಿಗೆ ತಾಯ್ತನಕ್ಕೆ ಒಪ್ಪಿದ್ದ ಮಹಿಳೆ ಸಾವು; ಪತಿಯ ಆರೋಪದ ಬೆನ್ನಲ್ಲೇ ಮಾನವ ಹಕ್ಕುಗಳ ಆಯೋಗದಿಂದ ತನಿಖೆ ಶುರು | Surrogacy

ಹೈದರಾಬಾದ್​: ಬಾಡಿಗೆ ತಾಯ್ತನ (Surrogacy) ಮಾಡುತ್ತಿದ್ದ ಮಹಿಳೆಯೊಬ್ಬಳು ಇಲ್ಲಿನ ರಾಯದುರ್ಗ ಪ್ರಾಂತ್ಯದಲ್ಲಿರುವ ಅಪಾರ್ಟ್​ಮೆಂಟ್​ನಿಂದ ಜಾರಿಬಿದ್ದು ಮೃತಪಟ್ಟಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ ರಾಷ್ಟ್ರೀಯ ಮಾನವ ಹಕ್ಕುಗಳ ಆಯೋಗ (ಎನ್​ಎಚ್​ಆರ್​ಸಿ) ಸ್ವಂಪ್ರೇರಿತ ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದೆ.

ಒಡಿಸ್ಸಾ ಮೂಲದ 25 ವರ್ಷದ ಯುವತಿಯನ್ನು ತನ್ನ ಪತಿಯೊಂದಿಗೆ ಮಧ್ಯವರ್ತಿಗಳು ಒಪ್ಪಂದದ ಮೇರೆಗೆ ಹೈದರಾಬಾದ್​ಗೆ ಕರೆದುಕೊಂಡು ಬಂದಿದ್ದರು ಎಂದು ಎನ್​ಎಚ್​ಆರ್​ಸಿ ಉಲ್ಲೇಖಿಸಿದೆ.

ಮಾನವ ಹಕ್ಕುಗಳ ಆಯೋಗವು ರಾಜ್ಯ ಮುಖ್ಯ ಕಾರ್ಯದರ್ಶಿ ಮತ್ತು ಪೊಲೀಸ್​ ಮಹಾನಿರ್ದೇಶಕರಿಗೆ ನೋಟಿಸ್​ ಜಾರಿ ಮಾಡಿದ್ದು, ಎರಡು ವಾರಗಳಲ್ಲಿ ಪ್ರಕರಣದ ವಿವರವಾದ ವರದಿಯನ್ನು ಸಲ್ಲಿಸುವಂತೆ ಸೂಚಿಸಿದೆ. ಅಲ್ಲದೆ, ಬಾಡಿಗೆ ತಾಯ್ತನದ ನೆಪದಲ್ಲಿ ಮಹಿಳೆಯರಿಗೆ ಕಿರುಕುಳ ನೀಡುತ್ತಿರುವ ಪ್ರಕರಣಗಳ ಸ್ಥಿತಿ ಮತ್ತು ವರದಿಯಾದ ಇಂತಹ ಘಟನೆಗಳ ಕುರಿತು ಸಂಪೂರ್ಣ ಮಾಹಿತಿ ಒಳಗೊಂಡಿರಬೇಕು ಎಂದು ಒತ್ತಾಯಿಸಿದೆ.

ಇದನ್ನೂ ಓದಿ: ನಟಿ ಸಮಂತಾ ತಂದೆ ನಿಧನ; ಅಭಿಮಾನಿಗಳ ಸಂತಾಪ | Samantha

ಪ್ರಕರಣದ ಹಿನ್ನೆಲೆ..

ಸ್ಥಳೀಯ ವರದಿಗಳ ಪ್ರಕಾರ, ತನ್ನ ಪತಿಯೊಂದಿಗೆ ಹೈದರಾಬಾದ್​ಗೆ ಬಂದು 10 ಲಕ್ಷ ರೂ.ಗೆ ಬಾಡಿಗೆ ತಾಯ್ತನ ಮಾಡುವುದಾಗಿ ಒಪ್ಪಂದ ಮಾಡಿಕೊಂಡಿದ್ದರು. ಒಪ್ಪದಂತೆ ರಾಯದುರ್ಗದ ಬಹು ಮಹಡಿ ಕಟ್ಟಡದ ಪ್ರತ್ಯೇಕ ಮನೆಯೊಂದರಲ್ಲಿ ಏಕಾಂಗಿ ಆಗಿ ಇದ್ದಾರೆ. ನ.26 ರಂದು ಅಪಾರ್ಟ್​ಮೆಂಟ್​ನಿಂದ ಬಿದ್ದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ವರದಿಯಾಗಿತ್ತು.

ಆದರೆ, ಬಹುಮಹಡಿ ಕಟ್ಟಡವನ್ನು ಪೊಲೀಸರು ಪರಿಶೀಲಿಸಿದ ನಂತರ ಒಂದೊಂದು ಸೀರೆಗಳನ್ನು ಕಟ್ಟಿ ಹಗ್ಗದಂತೆ ಮಾಡಿಕೊಂಡು ಮಹಿಳೆ ಇವರಿಂದ ತಪ್ಪಿಸಿಕೊಳ್ಳಲು ಪ್ರಯತ್ನ ಪಟ್ಟಿದ್ದಾರೆ. ದುರದೃಷ್ಟವಶಾತ್​ ಮಹಿಳೆ ಜಾರಿ ಬಿದ್ದು ಮೃತಪಟ್ಟಿದ್ದಾಳೆ ಎಂದು ತಿಳಿದುಬಂದಿದೆ. ಈ ಹಿನ್ನೆಲೆ ಈ ಪ್ರಕರಣದಲ್ಲಿ ಮಾನವ ಹಕ್ಕುಗಳ ಆಯೋಗವು ರಂಗಪ್ರವೇಶ ಮಾಡಿ ತನಿಖೆ ಆರಂಭಿಸಿದೆ.

''ಬಾಡಿಗೆ ತಾಯ್ತನಕ್ಕಾಗಿ ನೇಮಿಸಕೊಂಡವರು ಮನ ಬಂದತೆ ಮಾತನಾಡುವುದಲ್ಲದೆ, ಅವಳ ಹತ್ತಿರ ಅನುಚಿತವಾಗಿ ವರ್ತನೆ ಮಾಡಿದ್ದಾರೆ ಎಂದು ಸಂತ್ರಸ್ತೆ ಯುವತಿಯ ಪತಿ ಆರೋಪಿಸಿದ್ದಾರೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ರಾಜೇಶ್​ ಬಾಬು ಎಂಬುವವರ ವಿರುದ್ಧ ಆತ್ಮಹತ್ಯೆಗೆ ಪ್ರಚೋದನೆ ಅಡಿಯಲ್ಲಿ ದೂರು ದಾಖಲಿಸಿಕೊಂಡು ಎಲ್ಲಾ ಆಯಾಮಗಳಲ್ಲಿ ತನಿಖೆ ಆರಂಭಿಸಿದ್ದಾರೆ'', (ಏಜೆನ್ಸೀಸ್​).

https://www.vijayavani.net/naga-chaitanya-and-sobhita-dhulipala-wedding-countdown-do-you-know-what-their-age-gap-is

https://www.vijayavani.net/continuous-atrocities-on-hindus-why-the-global-silence-pawan-kalyan-expresses-his-sadness