ಸಂಬಂಧ ಮುಂದುವರಿಸಲ್ಲ ಎಂದ ಯುವತಿಯನ್ನು ಗೋವಾ ಬೀಚ್​ಗೆ ಕರೆದೊಯ್ದು ಯುವಕ ಮಾಡಿದ್ದೇನು ಗೊತ್ತಾ?

ಪಣಜಿ: ಕೆಲ ವರ್ಷ ಪ್ರೀತಿಸಿದ ಯುವತಿಯನ್ನು ಗೋವಾಗೆ ಕರೆದುಕೊಂಡು ಹೋಗಿ ಕೊಲೆಗೈದ ಆರೋಪಿ ಈಗ ಪೊಲೀಸರ ಅತಿಥಿಯಾಗಿದ್ದಾನೆ.

ಕಿಶನ್​ ಕಲಂಗುಡ್ಕರ್​ (26) ಬಂಧಿತ ಆರೋಪಿಯಾಗಿದ್ದಾನೆ. ಈತ ದಕ್ಷಿಣ ಗೋವಾದ ವೆಲ್​ಸೋನ್​ ಬೀಚ್​​ಗೆ ಕರೆದೊಯ್ದು ಹತ್ಯೆ ಮಾಡಿದ್ದಾನೆ. ಮಹಿಳೆಯ ಶವ ಪತ್ತೆಯಾದ್ದರಿಂದ ತನಿಖೆಯ ಬೆನ್ನತ್ತಿದ ಪೊಲೀಸರು ಕೊನೆಗೂ ಆರೋಪಿಯನ್ನು ಬಂಧಿಸಿದ್ದಾರೆ.

ಕಾಲೇಜು ದಿನಗಳಲ್ಲೇ ಇಬ್ಬರು ಪ್ರೀತಿಸುತ್ತಿದ್ದರು, ಕೆಲದಿನಗಳ ಕಾಲ ಈಕೆ ಈತನ ಜತೆ ಸಂಪರ್ಕ ಹೊಂದಿರಲಿಲ್ಲ. ಇದರಿಂದ ಕೋಪಗೊಂಡ ಈ ಯುವಕ ಯುವತಿಯನ್ನು ಗೋವಾ ಬೀಚ್​ಗೆ ಹೋಗುವುದಾಗಿ ಹೇಳಿದ್ದಾನೆ. ಇವನ ಮಾತು ನಂಬಿದ ಆಕೆ ಬಂದಿದ್ದು, ಗೋವಾ ಬೀಚ್​ಗೆ ಬರುತ್ತಿದ್ದಂತೆ ಆಕೆಯನ್ನು ಕೊಲೆ ಮಾಡಿ ಬಿಸಾಕಿ ಹೋರಟು ಹೋಗಿದ್ದ ಎಂದು ಪೊಲೀಸ್​ ಅಧಿಕಾರಿ ಅಭಿಷೇಕ್​ ಧಾನಿಯಾ ತಿಳಿಸಿದ್ದಾರೆ.

ಬೀಚ್​ಗೆ ಕರೆದುಕೊಂಡ ಬಂದ ಮೇಲೂ ತನ್ನ ಜತೆ ಸಂಬಂಧ ಬೆಳೆಸುವಂತೆ ಒತ್ತಾಯಿಸಿದ್ದಾನೆ. ಈಕೆ ನಿರಾಕರಿಸಿದ್ದರಿಂದ ಕುತ್ತಿಗೆ ಹಿಸುಕಿ ಸಾಯಿಸಿದ್ದಾನೆ. ಪ್ರಕರಣ ನಡೆದು 24 ಗಂಟೆಯೊಳಗೆ ಆರೋಪಿಯನ್ನು ಬಂಧಿಸಲಾಗಿದೆ ಎಂದು ತಿಳಿಸಿದರು. (ಏಜೆನ್ಸೀಸ್​)

https://www.vijayavani.net/coron-case-in-india-increased/