1944 ರಲ್ಲಿ ತಮ್ಮ ಹದಿಹರೆಯದಲ್ಲಿ ಆಶ್ವಿಡ್ಜ್ನ ನಾಜಿ ಕ್ಯಾಂಪಿನಲ್ಲಿ 4 ತಿಂಗಳು ಕಳೆದಿದ್ದರು ಲಿಲಿ. ತನ್ನ ತಾಯಿ, ಸಹೋದರ-ಸಹೋದರಿ ಹಾಗೂ ಕುಟುಂಬದ ನೂರಾರು ಜನರನ್ನು ನಾಜಿಗಳು ಕೊಂದಿದ್ದಕ್ಕೆ ಸಾಕ್ಷಿಯಾಗಿದ್ದ ಲಿಲಿಯನ್ನು 1945 ರಲ್ಲಿ ಪಾರುಮಾಡಿ, ಸ್ವಿಜರ್ಲೆಂಡಿಗೆ ತರಲಾಗಿತ್ತು. ಇದೀಗ ಉತ್ತರ ಲಂಡನ್ನಲ್ಲಿ ತಮ್ಮ ಕುಟುಂಬದೊಡನೆ ಜೀವನ ಸಾಗಿಸುತ್ತಿರುವ ಲಿಲಿಗೆ ಒಂದು ತಿಂಗಳ ಹಿಂದೆ ಕರೊನಾ ಸೋಂಕು ತಗುಲಿತು. ಪೂರ್ಣ ನಿಶ್ಶಕ್ತಿಯಿಂದ ಬಳಲಿದ ಆಕೆಯ ದೇಹ, ಮೂರು ವಾರಗಳ ಕಾಲ ವೈದ್ಯಕೀಯ ಶುಶ್ರೂಷೆಯೊಂದಿಗೆ ಕರೊನಾ ವೈರಾಣುವಿನ ವಿರುದ್ಧ ಹೋರಾಡಿತು. ರೋಗದಿಂದ ಗುಣಮುಖರಾದ ಲಿಲಿ ಈಗ ಬದುಕಿಗೆ ಮತ್ತೆ ಹೆಲೋ ಹೇಳಿದ್ದಾರೆ.
