ಸಾರ್ವಜನಿಕ ಪ್ರದೇಶದಲ್ಲಿ ಅಸಭ್ಯವಾಗಿ ವರ್ತಿಸಿದವನನ್ನು ಅಟ್ಟಾಡಿಸಿಕೊಂಡು ಹೊಡೆದ ಮಹಿಳೆ!

ನವದೆಹಲಿ: ನಾರಿ ಮುನಿದರೆ ಮಾರಿ ಎಂಬ ಮಾತಿಗೆ ನೋಯ್ಡಾದ ಮಹಿಳೆಯೊಬ್ಬರು ಉತ್ತಮ ಉದಾಹರಣೆ ಆಗಿದ್ದಾರೆ. ಮಹಿಳೆಯ ಮೇಲೆ ದೌರ್ಜನ್ಯ ನಡೆದಾಗ ಕೆಲವರು ದೂರು ನೀಡುತ್ತಾರೆ. ಇನ್ನು ಕೆಲವರು ಮರ್ಯಾದೆಗೆ ಅಂಜಿ ಸುಮ್ಮನಾಗುತ್ತಾರೆ. ಆದರೆ, ಇಲ್ಲೊಬ್ಬ ಮಹಿಳೆ ಈ ರೀತಿ ಮಾಡದೇ ತಮ್ಮದೇ ಶೈಲಿಯಲ್ಲಿ ಘಟನೆಯನ್ನು ನಿರ್ವಹಿಸಿದ್ದು, ಮೆಚ್ಚುಗೆಗೆ ಪಾತ್ರವಾಗಿದ್ದಾರೆ.

ಹೌದು. ಸಾರ್ವಜನಿಕ ಪ್ರದೇಶದಲ್ಲಿ ಮೈಕೈ ಮುಟ್ಟಿ ಅಶ್ಲೀಲವಾಗಿ ವರ್ತಿಸಿದ ಕಾಮುಕನನ್ನು ಸಂತ್ರಸ್ತ ಮಹಿಳೆ ಜನರ ಮುಂದೆಯೇ ಹಿಡಿದು ಅಟ್ಟಾಡಿಸಿಕೊಂಡು ಹೊಡೆದಿದ್ದಾಳೆ. ಈ ಘಟನೆ ಉತ್ತರ ಪ್ರದೇಶದ ನೋಯ್ಡಾದಲ್ಲಿ ಶುಕ್ರವಾರ ಮುಂಜಾನೆ ನಡೆದಿದೆ. ನೋಯ್ಡಾ ಸೆಕ್ಟರ್​-12ರ ಪೆಟ್ರೋಲ್​ ಪಂಪ್​ನಲ್ಲಿ ಕೆಲಸ ಮಾಡುವ 24 ವರ್ಷದ ಮಹಿಳೆ ಬಂಕ್​ಗೆ ಹೋಗುವಾಗ ಮಾರ್ಗ ಮಧ್ಯೆ ಘಟನೆ ಜರುಗಿದೆ.

ಇದನ್ನೂ ಓದಿರಿ: ಚಿಕ್ಕಪ್ಪನ ಅಂತ್ಯಕ್ರಿಯೆಗೆ ಹೂವು ತರಲು ಹೋದ ಸಹೋದರರು ಮರಳಿದ್ದು ಹೆಣವಾಗಿ!

ಮಹಿಳೆ ನಡೆದು ಹೋಗುವಾಗ ಬೈಸಿಕಲ್​ ಸವಾರನೊಬ್ಬ ಸ್ವಲ್ಪ ದೂರದಲ್ಲಿ ಸೈಕಲ್​ ನಿಲ್ಲಿಸಿ ಆಕೆಯನ್ನು ದಿಟ್ಟಿಸಿ ನೋಡಲು ಆರಂಭಿಸುತ್ತಾನೆ. ಮಹಿಳೆ ಸಹರಾ ರೆಡ್​ ಲೈಟ್​ ಬಳಿ ಹೋಗುತ್ತಿದ್ದಂತೆ ಆಕೆಯ ಮೇಲೆ ಎರಗುವ ಆರೋಪಿ ಆಕೆಯನ್ನು ಎಳೆದಾಡಿ ಮೈಯೆಲ್ಲಾ ಮುಟ್ಟಿ ಬೈಸಿಕಲ್​ ತೆಗೆದುಕೊಂಡು ಅಲ್ಲಿಂದ ಪರಾರಿಯಾಗಲು ಯತ್ನಿಸುತ್ತಾನೆ. ಏನು ನಡೆದಿದೆ ಎಂಬುದು ದಾರಿಹೋಕರಿಗೂ ತಿಳಿಯುವುದಿಲ್ಲ. ಆದರೆ, ಸುಮ್ಮನಾಗದ ಮಹಿಳೆ ಆತನ ಬೆನ್ನತ್ತಿ ಹಿಡಿಯುತ್ತಾಳೆ.

ಇದಾದ ಬಳಿಕ ಆತನನ್ನು ಚೆನ್ನಾಗಿ ಥಳಿಸಿ ಕೆಳಕ್ಕುರುಳಿಸುತ್ತಾಳೆ. ಈ ವೇಳೆ ಆತನು ಸಹ ಮಹಿಳೆಯ ಮೇಲೆ ಹಲ್ಲೆಗೆ ಮುಂದಾಗುತ್ತಾನೆ. ಇದನ್ನು ದಾರಿಹೋಕರು ನೋಡಿದರು ಯಾರೊಬ್ಬರು ಬಿಡಸಲು ಮುಂದಾಗದೇ ತಮ್ಮ ಮೊಬೈಲ್​ ಫೋನ್​ಗಳಲ್ಲಿ ಇಬ್ಬರ ಕಿತ್ತಾಟವನ್ನು ವಿಡಿಯೋ ಮಾಡಿಕೊಳ್ಳುತ್ತಾರೆ.

ಈ ಬಗ್ಗೆ ಮಾತನಾಡಿರುವ ಮಹಿಳೆ ಕಳೆದ ಆರು ವರ್ಷಗಳಿಂದ ನಾನಿಲ್ಲ ವಾಸವಿದ್ದೇನೆ. ಒಮ್ಮೆಯು ಈ ರೀತಿ ಆಗಿಲ್ಲ. ಇದೇ ಮೊದಲ ಬಾರಿ ನಾನು ಅಸುರಕ್ಷಿತಳು ಎಂದು ಅನಿಸಿತು ಎಂದಿದ್ದಾರೆ.

ಸದ್ಯ ಆರೋಪಿ ವಿರುದ್ಧ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆಸುವುದಾಗಿ ಪೊಲೀಸರು ಮಹಿಳೆಗೆ ಭರವಸೆ ನೀಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/new-ipl-ads-featuring-ms-dhoni-go-viral-on-social-media/

https://www.vijayavani.net/mother-of-three-kids-elopes-with-class-8-student-in-up/

https://www.vijayavani.net/cow-sliced-milk/