ಬಂದೋಬಸ್ತ್​​ಗೆ ತೆರಳಿದ್ದ ಮಹಿಳಾ ಕಾನ್ಸ್‌ಟೆಬಲ್‌​​ ಕಾಲು ಜಾರಿ ಚರಂಡಿಗೆ ಬಿದ್ದು ಸಾವು

ತೆಲಂಗಾಣ: ಸಚಿವ ಕೆಟಿಆರ್ ಭೇಟಿ ಹಿನ್ನೆಲೆಯಲ್ಲಿ ಬಂದೋಬಸ್ತ್​​ಗೆ ತೆರಳಿದ್ದ ಮಹಿಳಾ ಹೆಡ್ ಕಾನ್ಸ್‌ಟೆಬಲ್‌ ಭಾರೀ ಮಳೆಯಿಂದಾಗಿ ಆಕಸ್ಮಿಕವಾಗಿ ಚರಂಡಿಗೆ ಬದ್ದು ಪ್ರಾಣ ಬಿಟ್ಟಿರುವ ಘಟನೆ ಭದ್ರಾದ್ರಿ ಕೊತ್ತಗುಡೆಂ ಜಿಲ್ಲೆಯಲ್ಲಿ ನಡೆದಿದೆ.

ರೂಪನಾ ಶ್ರೀದೇವಿ (49) ಮೃತ ಮಹಿಳೆ. ಖಮ್ಮಂ ಜಿಲ್ಲೆಯ ಸಾರಥಿನಗರದ ನಿವಾಸಿಯಾಗಿದ್ದಾರೆ. ಕೊಟ್ಟಗುಡೆಂನಲ್ಲಿ ಹೆಡ್  ಕಾನ್ಸ್‌ಟೆಬಲ್‌ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಸಚಿವ ಕೆಟಿಆರ್ ಭದ್ರಾಚಲಂಗೆ ಭೇಟಿ ನೀಡಿದ್ದ ಹಿನ್ನೆಲೆಯಲ್ಲಿ ಶನಿವಾರ ಬೆಳಗ್ಗೆ ಕೊಟ್ಟಗುಡ್ಡೆ ಒನ್ ಟೌನ್ ಮಹಿಳಾ ಹೆಡ್ ಕಾನ್ ಸ್ಟೇಬಲ್ ಶ್ರೀದೇವಿ ಬಂದೋಬಸ್ತ್ ಗೆ ತೆರಳಿದ್ದರು. ದೇವಸ್ಥಾನದ ಅನ್ನದಾನ ಸತ್ರದಲ್ಲಿ ಹೆಡ್  ಕಾನ್ಸ್‌ಟೆಬಲ್‌ ಶ್ರೀದೇವಿ ಕರ್ತವ್ಯಕ್ಕೆ ಹಾಜರಾಗಿದ್ದರು.

ಶನಿವಾರ ಮಧ್ಯಾಹ್ನ ಧಾರಾಕಾರ ಮಳೆ ಸುರಿದಿದ್ದು, ಪ್ರದೇಶ ಜಲಾವೃತವಾಗಿತ್ತು. ಮತ್ತೊಂದೆಡೆ ಭಾರೀ ಮಳೆಯಿಂದಾಗಿ ಹೆಲಿಕಾಪ್ಟರ್ ಲ್ಯಾಂಡಿಂಗ್ ಗೆ ಸೂಕ್ತ ವಾತಾವರಣ ಇಲ್ಲದ ಕಾರಣ ಸಚಿವ ಕೆಟಿಆರ್ ಭದ್ರಾಚಲಂ ಭೇಟಿ ರದ್ದಾಗಿದೆ. ಇದರಿಂದ ಪಕ್ಕದ ಹೋಟೆಲಿಗೆ ಹೋಗುತ್ತಿದ್ದ ಮಹಿಳಾ ಪೇದೆ ಆಕಸ್ಮಿಕವಾಗಿ ಅನ್ನದಾನ ಸತ್ರದ ಬಳಿಯ ಚರಂಡಿಗೆ ಜಾರಿದ್ದಾರೆ. ಅದೇ ಸಮಯಕ್ಕೆ ಅಲ್ಲೇ ಇದ್ದ ಪಂಚಾಯತ್ ಕೆಲಸಗಾರ ಸುನೀಲ್ ಆಕೆಯ ಕೈ ಹಿಡಿದು ಎಳೆದು ತರಲು ಯತ್ನಿಸಿದ್ದಾನೆ. ಆದರೆ ಯಾವುದೇ ಪ್ರಯೋಜನವಾಗಿಲ್ಲ. ಮಳೆ ನೀರು ಹೆಚ್ಚಾಗಿ ಹರಿಯುತ್ತಿದ್ದರಿಂದ ಕಾಲುವೆ ಹೊಳೆಯಲ್ಲಿ ಕೊಚ್ಚಿ ಹೋಗಿದ್ದಾಳೆ.

ನಂತರ ಸಮೀಪದ ಗೋದಾವರಿ ಕ್ಯಾರಕಟ್ಟಾ ಮೋರಿಯಲ್ಲಿ ಶ್ರೀದೇವಿ ಮೃತದೇಹ ಪತ್ತೆಯಾಗಿದೆ. ಮಾಹಿತಿ ಪಡೆದ ಪೊಲೀಸರು ಅಲ್ಲಿಗೆ ಆಗಮಿಸಿ ಎನ್‌ಡಿಆರ್‌ಎಫ್ ನೆರವಿನಿಂದ ಶ್ರೀದೇವಿ ಮೃತದೇಹ ಹೊರತೆಗೆದಿದ್ದಾರೆ.

ಮೃತ ಹೆಡ್  ಕಾನ್ಸ್‌ಟೆಬಲ್‌ ಶ್ರೀದೇವಿ 1995ರ ಬ್ಯಾಚ್‌ಗೆ ಸೇರಿದವರು. ಭದ್ರಾದ್ರಿ ಕೊತಗುಡೆಂ ಜಿಲ್ಲೆಯ ವಿವಿಧ ಠಾಣೆಗಳಲ್ಲಿ ಸೇವೆ ಸಲ್ಲಿಸಿದ್ದಾರೆ. ಅವರ ಪತಿ ರಾಮರಾವ್ ಅವರು ಜಿಲ್ಲಾ ಕೇಂದ್ರದಲ್ಲಿ ವಿಶೇಷ ಪಕ್ಷದ ಕಾನ್ಸ್‌ಟೆಬಲ್‌ ಆಗಿ ಕೆಲಸ ಮಾಡುತ್ತಿದ್ದಾರೆ. ಈ ದಂಪತಿಗೆ ಒಬ್ಬ ಮಗ ಮತ್ತು ಮಗಳು ಇದ್ದಾರೆ. ಸಚಿವ ಕೆಟಿಆರ್ ಭದ್ರತಾ ಕಾರ್ಯಕ್ಕೆ ತೆರಳಿದ್ದ ಮಹಿಳಾ ಪೇದೆಯೊಬ್ಬರು ಸಾವನ್ನಪ್ಪಿರುವುದು ಸ್ಥಳೀಯರ ಚರ್ಚೆಗೆ ಗ್ರಾಸವಾಗಿದೆ.