VIDEO| ಸಾಯಲು ಹೋಗ್ತಿದ್ದೇನೆಂದು ಹೇಳಿ 110 ಕಿ.ಮೀ ವೇಗದ ಕಾರಿನಿಂದ ಜಿಗಿದ ಮಹಿಳೆ: ಆದ್ರೆ ಆಗಿದ್ದೇ ಬೇರೆ!

ಲಂಡನ್​: ಗಂಟೆಗೆ 110 ಕಿ.ಮೀ ವೇಗದಲ್ಲಿ ಚಲಿಸುತ್ತಿರುವ ಕಾರಿನಲ್ಲಿ ಏಕಾಂಗಿ ಮಹಿಳೆಯೊಬ್ಬಳು ಸ್ಟೀರಿಂಗ್​ ಬಿಟ್ಟು ಕಿಟಿಕಿಯಿಂದ ಹೊರ ಚಾಚಿದಂತೆ ಎದ್ದು ನಿಂತು ಪ್ರಯಾಣಿಸುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ವಿಡಿಯೋ ಪರದೆ ಮೇಲೆ "ನಾನು ಸಾಯಲು ಹೋಗುತ್ತಿರುವೇ" ಎಂದು ಬರೆದಿದ್ದು, ಅಪರಿಚಿತ ಮಹಿಳೆಯ ಅಪಾಯಕಾರಿ ಸಾಹಸವು ಇಂಗ್ಲೆಂಡ್​ ಸರ್ರೆ ಕ್ಲ್ಯಾಕೆಟ್​ ಲೇನ್​ ಸರ್ವೀಸ್​ ರಸ್ತೆಯಲ್ಲಿ ನಡೆದಿದೆ. ಶನಿವಾರ ನಡುರಾತ್ರಿ 1.30ರ ಸಮಯದಲ್ಲಿ ಈ ಪ್ರಸಂಗ ಜರುಗಿದ್ದು, ಕೊನೆಗೆ M25 ಕಾರಿನಿಂದ ಹೊರ ಬಿದ್ದರೂ ಪ್ರವಾಡ ರೀತಿಯಲ್ಲಿ ಮಹಿಳೆ ಪಾರಾಗಿದ್ದಾಳೆ.

ಈ ಕುರಿತು ಸರ್ರೆ ಪೊಲೀಸ್​ ಅಧಿಕಾರಿಗಳು ಟ್ವೀಟ್​ ಮಾಡಿದ್ದು, ಮಹಿಳೆಗೆ ಯಾವುದೇ ಗಂಭೀರ ಗಾಯವಾಗಿಲ್ಲ. ಅದೃಷ್ಟವಶಾತ್​ ಪ್ರಾಣಾಪಾಯದಿಂದ ಬದುಕುಳಿದಿದ್ದಾಳೆ ಎಂದು ಹೇಳಿದ್ದಾರೆ.

ಮಹಿಳೆಯನ್ನು ಬಂಧಿಸಿಲ್ಲ. ಬದಲಾಗಿ ಆಕೆಗೆ ಚಿಕಿತ್ಸೆ ಕೊಡಿಸಿ ಬುದ್ಧಿವಾದ ಹೇಳಿ ಕಳುಹಿಸಲಾಗಿದೆ. ಸದ್ಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದ್ದು, ಮಹಿಳೆಯ ನಡೆಯನ್ನು ಖಂಡಿಸಿದ್ದು, ಕ್ರಮಕ್ಕೂ ಆಗ್ರಹಿಸಿದ್ದಾರೆ. (ಏಜೆನ್ಸೀಸ್​) (ವಿಡಿಯೋ ಕೃಪೆ: ಡೈಲಿ ಮೇಲ್​)